Сошиал медиа хэрэглээ Монголд ямар байна вэ? Маркетингаа төлөвлөж буй бизнес эрхлэгч бүрийн асуудаг энэ асуултад хариулахын тулд бид хамгийн сүүлийн, олон улсад хэрэглэгддэг эх сурвалжийг ашиглав.

Энэ нийтлэлийг анх 2021 онд тухайн үеийн судалгаануудын тоо баримтаар бичиж, дараа нь «Сошиал медиа хэрэглээ Монголд», «Монголчууд медиаг хэрхэн хэрэглэж байна вэ?» гэсэн хоёр нийтлэлийг нэгтгэсэн. Тэр үеийн тоонууд хуучирсан тул бүхэлд нь шинэ тайлангаар солив.

Доорх бүх тоо DataReportal «Digital 2026: Mongolia» тайлангаас авсан. Тайланг Kepios 2025 оны 11-р сарын 8-нд нийтэлсэн бөгөөд 2025 оны 10-р сарын байдлаарх мэдээлэлд тулгуурласан.

Гол тоо баримт

Хүн ам, интернэт, гар утас

• Хүн ам: 3.53 сая
• Интернэт хэрэглэгч: 2.93 сая, нийт хүн амын 83.0%
• Сошиал медиа хэрэглэгчийн бүртгэл (user identities): 2.70 сая, нийт хүн амын 76.5%, интернэт хэрэглэгчдийн 92.2%
• Гар утасны холболт: 4.97 сая, нийт хүн амын 141%

Платформ тус бүрийн сурталчилгааны хүрээ

• Facebook: 2.70 сая, нийт хүн амын 76.5%
• Messenger: 2.30 сая, нийт хүн амын 65.2%
• Instagram: 1.20 сая, нийт хүн амын 34.0%, өмнөх оноос 18.2%-иар өссөн
• Threads: 400 мянга, нийт хүн амын 11.3%
• LinkedIn: 350 мянган гишүүн, нийт хүн амын 9.9%

Эдгээр тоог хэрхэн зөв унших вэ?

Тоог шууд «хэрэглэгчийн тоо» гэж ойлговол буруу дүгнэлт гаргаж болно. Гурван зүйлийг анхаараарай.

• Сурталчилгааны хүрээ нь идэвхтэй хэрэглэгчийн тоо биш. Meta-ийн «ad reach» гэдэг нь тухайн платформ дээр сурталчилгаагаар хүрч болох хүрээний тооцоо. Бодит идэвхтэй хэрэглэгчийн тооноос зөрж болно.
• «User identities» нь хүний тоо биш. Нэг хүн хэд хэдэн бүртгэлтэй, эсвэл бизнесийн хуудас, давхардсан бүртгэл орсон байж болно. Тиймээс энэ тоо бодит хүний тооноос их байж болно.
• Гар утасны холболт 141% гэдэг нь олон хүн нэгээс илүү SIM карт, төхөөрөмж ашигладаг гэсэн үг. Хүн бүр хэд хэдэн утастай гэсэн үг биш.

Тиймээс эдгээр тоог хэмжээний ерөнхий зураглал гэж хар. Харин платформ хоорондын харьцаа маркетингийн шийдвэрт маш хэрэгтэй.

Бизнест өгөх дүгнэлт

1. Facebook ба Messenger: Монголын маркетингийн гол талбар хэвээр

Facebook-ийн сурталчилгааны хүрээ нийт хүн амын 76.5%, Messenger-ийнх 65.2% байна. Ихэнх жижиг, дунд бизнесийн хувьд энэ хоёр суваг маркетингийн гол суурь хэвээр. Пэйж, пост, Reels, сурталчилгаа бүгд энд эхэлдэг.

Гэхдээ олон хүнд хүрч болно гэдэг нь пост тань олон хүнд хүрнэ гэсэн үг биш. Органик хүрэлт хязгаарлагдмал тул чанартай контент, зөв чиглүүлсэн сурталчилгаа хоёулаа хэрэгтэй.

Холбоотой: Фэйсбүүк хуудасны пост цөөн хүнд хүрдэг шалтгаанууд

2. Messenger бол борлуулалтын суваг

Монголд хүмүүс пост сонирхвол коммент бичих эсвэл шууд мессеж илгээдэг. Үнэ асуух, захиалга өгөх, цаг товлох бүгд Messenger-ээр явагддаг. Тиймээс Messenger-ийг зөвхөн харилцааны хэрэгсэл биш, борлуулалтын суваг гэж үзэх хэрэгтэй.

• Click-to-Messenger сурталчилгаа: сурталчилгааг шууд яриа руу хөтөлнө
• Хурдан хариулт: Messenger-ийн 24 цагийн харилцааны цонхны дотор цаг алдалгүй хариулах
• Сэжим бүртгэх: мессеж бичсэн хүн бүрийн мэдээллийг алдахгүй хадгалах

3. AI чатбот: Messenger-ийн урсгалыг даах арга

Мессеж олон ирэх тусам хүн гараар бүгдэд нь цагтаа хариулах боломжгүй болдог. Шөнө, амралтын өдөр ирсэн мессеж маргааш хүртэл хүлээнэ, тэр хооронд хэрэглэгч өрсөлдөгч рүү шилжинэ.

AI чатбот энэ асуудлыг шийддэг. Вэбсайт болон Messenger дээр 24/7 хариулж, түгээмэл асуултад шууд хариу өгч, сонирхсон хүний нэр, утсыг CRM-д сэжим болгон бүртгэнэ. Нарийн асуулт, хэлэлцээрийг хүнд шилжүүлнэ.

Холбоотой: Мессежид оройтож хариулах бүрт хэрэглэгч алдаж байна: AI чатбот юугаараа өөр вэ?

4. Instagram өсөж байна

Instagram-ийн сурталчилгааны хүрээ 1.20 сая буюу нийт хүн амын 34.0% бөгөөд өмнөх оноос 18.2%-иар өссөн. Энэ нь гоо сайхан, загвар, хоол, аялал, кофе шоп зэрэг харагдах байдал чухал, залуу хэрэглэгчтэй брэндүүдэд Instagram-ийг тусдаа суваг болгон хөгжүүлэх цаг болсныг харуулж байна.

Facebook-ийн постыг Instagram руу хуулж тавих хангалтгүй. Instagram-д Reels, босоо видео, зураг дээр төвлөрсөн, илүү гоо зүйн өнцгөөс бэлтгэсэн контент хэрэгтэй.

Холбоотой: «Z» үеийнхний цахим хэрэглээ

5. Threads, LinkedIn: жижиг ч зорилготой суваг

Threads-ийн хүрээ 400 мянга, LinkedIn 350 мянган гишүүнтэй. Масс хэрэглэгчийн хувьд том суваг биш. Харин байгууллагад зардаг бизнест LinkedIn шийдвэр гаргагч, мэргэжилтнүүдэд хүрэх зорилготой суваг болж чадна. Удирдлагын туршлага, салбарын мэдлэг хуваалцахад тохиромжтой.

Холбоотой: Байгууллагын зах зээл дээр (B2B) дижитал маркетингийг хэрхэн зөв хийх вэ?

6. Бүх зүйл гар утсан дээр

Гар утасны холболт 4.97 сая байгаа нь Монголд дижитал хэрэглээ гар утсан дээр явагддагийг дахин харуулж байна. Тиймээс:

• контентоо эхлээд утасны дэлгэцэнд зориулж бүтээ, босоо видео ашигла
• вэбсайт тань утсан дээр хурдан ачаалж, хялбар уншигдаж байх ёстой
• захиалга, холбоо барих алхмыг аль болох цөөн товшилтоор хий

AI-аар энэ мэдээллийг өөрийн бизнест хэрэглэх нь

Үндэсний түвшний тоо ерөнхий зураглал өгдөг ч танай хэрэглэгчид яг хаана байгааг хэлж чадахгүй. Тиймээс өөрийн датагаа хар: пэйж, Instagram-ийн статистик, сурталчилгааны үр дүн, Messenger-ийн мессежийн тоо.

AI-аар: Сувгуудынхаа сарын тоог нэгтгээд AI-д өгч «аль сувгаас хамгийн их мессеж, сэжим ирж байна, аль нь зардалдаа хүрэхгүй байна» гэж асуу. Мессеж, комментоо бүлэглүүлж, хүмүүс юуг хамгийн их асууж байгааг олж болно. Улирлын эрэлт, баяр ёслол, сувгийн бодит зардалд тулгуурласан маркетингийн төлөвлөгөө хэрэгтэй бол PlanAI ашиглаж болно.

Гэхдээ эцсийн сонголт, стратеги, брэндийн дуу хоолой хүний ажил хэвээр. Тоо юу болж байгааг хэлдэг ч яагаад гэдгийг бизнесээ мэддэг хүн л тайлбарлаж чадна.

DIMA сошиал медиаг хэрхэн ажиллуулдаг вэ

Бид эхлээд систем босгодог: зорилтот хэрэглэгч, байр суурь, вэбсайт, Messenger болон сайт дээр ажиллах AI чатбот, CRM. Дараа нь Facebook, Instagram сувгуудыг сар бүрийн S, M, L багцаар хөтөлж, Reels, постер, видео, сурталчилгааны төлөвлөгөө, сарын тайланг хариуцна. Багц, үнийг эндээс харна уу.

Танай бизнест аль сошиал суваг хамгийн их үр дүн өгөхийг хамтдаа тодорхойлмоор байвал үнэгүй зөвлөгөө авах хүсэлт үлдээгээрэй. Мөн 7211 9211 дугаарт залгах эсвэл info@dima.mn хаягаар бичиж болно.