Энэхүү бодлого нь Дижитал энд Инбаунд Маркетинг ХХК (цаашид “DIMA”, “бид”) dima.mn вэбсайт, сайт дээрх AI туслах болон Facebook Messenger чатботоор дамжуулан таны мэдээллийг хэрхэн цуглуулж, ашиглаж, хамгаалдгийг тайлбарлана. Бид Монгол Улсын Хүний хувийн мэдээлэл хамгаалах тухай хуульд нийцүүлэн ажиллана.

Хүчинтэй огноо: 2026 оны 10 дугаар сарын 4.

1. Бид ямар мэдээлэл цуглуулдаг вэ?

Та өөрөө бөглөж өгсөн мэдээлэл

• Зөвлөгөө авах, танилцуулга татах, сургалтын мэдэгдэл авах формоор: нэр, байгууллагын нэр, утасны дугаар, и-мэйл хаяг.
• Сайт дээрх AI туслахтай харилцахдаа бичсэн мессеж, мөн хүсвэл үлдээсэн нэр, утас, и-мэйл.
• Facebook Messenger чатботоор харилцахдаа таны Messenger хэрэглэгчийн дугаар (ID), профайлын нэр болон мессежийн агуулга.
• DIMA-гийн Facebook пэйжийн пост доор нийтэд бичсэн таны коммент, Facebook дээрх нэр, хэрэглэгчийн дугаар (ID).

Автоматаар бүртгэгддэг мэдээлэл

• Нийтлэл тус бүрийг хэдэн удаа уншсан, хэдэн хүн таалагдсан гэж дарсан тоо. Энэ нь хэн уншсаныг бус, зөвхөн нийт тоог хадгалдаг.
• Сайтыг байршуулдаг сервер аюулгүй байдал, алдааг илрүүлэх зорилгоор IP хаяг, хөтчийн төрөл зэрэг техникийн мэдээллийг түр хугацаанд бүртгэдэг.

Бид зар сурталчилгааны зорилгоор таныг мөрдөх (tracking) күүки ашигладаггүй. Таны хөтөч дээр зөвхөн “энэ нийтлэлд таалагдсан гэж дарсан”, “энэ хуудсыг уншсан” гэх мэт давхар тоологдохоос сэргийлэх жижиг тэмдэглэл хадгалагддаг. Мөн сайтын хандалтыг тоолохын тулд хөтөч дээр тань нэргүй, санамсаргүй таних дугаар хадгалж, ямар хуудас үзсэн, хаанаас (жишээ нь Google, Facebook) орж ирснийг бүртгэдэг. Үүнд таны нэр, IP хаяг хадгалагдахгүй бөгөөд зөвхөн нийт үзэлт, зочны тоог гаргахад ашиглана.

2. Мэдээллийг ямар зорилгоор ашигладаг вэ?

• Таны хүсэлтэд хариулах, зөвлөгөөний цаг товлох, үйлчилгээний санал илгээх.
• Таны хүссэн танилцуулга, сургалтын мэдээллийг хүргэх.
• AI туслах болон Messenger чатботоор таны асуултад автоматаар хариулах.
• Пэйжийн пост доор бичсэн таны комментод нийтэд товч хариу бичих, асуултад тань Messenger-ээр дэлгэрэнгүй хариулах. Сөрөг санал, гомдлыг манай ажилтан өөрөө хянаж хариулна.
• Messenger-ээр бидэнтэй харилцсанаас хойш 24 цагийн дотор яриатай тань холбоотой дагах мессеж илгээх. Мессеж доорх “Мессеж хэрэггүй” товчийг дарж хэдийд ч зогсоож болно.
• Харилцагчийн мэдээллийг CRM системд бүртгэж, хүсэлт бүрт хариу өгсөн эсэхийг хянах.
• Сайтын ажиллагаа, аюулгүй байдлыг хангах, аль нийтлэл хэрэгтэй байгааг ойлгох.

Бид таны мэдээллийг бусдад худалдахгүй, бусдын маркетингийн зорилгоор дамжуулахгүй.

3. Мэдээллийг хэн боловсруулдаг вэ?

Үйлчилгээгээ ажиллуулахын тулд бид CRM, вэбсайтын хостинг, хиймэл оюун ухаан зэрэг гадны найдвартай үйлчилгээ үзүүлэгчдийг ашигладаг. Тэд мэдээллийг зөвхөн бидний өмнөөс, дээрх зорилгоор боловсруулна.

Эдгээр үйлчилгээ үзүүлэгчийн зарим нь Монгол Улсаас гадна сервертэй тул таны мэдээлэл гадаадад боловсруулагдаж болно. Хуульд заасан тохиолдолд эрх бүхий байгууллагад мэдээлэл өгч болно.

4. Мэдээллийг хэр удаан хадгалах вэ?

Харилцагчийн мэдээллийг бидэнтэй харилцаа үргэлжилж байх хугацаанд, эсвэл та устгуулах хүсэлт гаргах хүртэл хадгална. Сайтын техникийн бүртгэлийг хостинг үйлчилгээ үзүүлэгч богино хугацаанд хадгалаад автоматаар устгадаг.

5. Таны эрх

Та дараах эрхтэй.

• Бидэнд хадгалагдаж буй өөрийн мэдээллийг харах, хуулбар авах.
• Буруу мэдээллээ засуулах.
• Мэдээллээ устгуулах. Дэлгэрэнгүйг Мэдээлэл устгуулах хуудаснаас үзнэ үү.
• Маркетингийн мэдээлэл хүлээн авахаас татгалзах.

Хүсэлтээ info@dima.mn хаягаар илгээнэ үү. Бид 7 ажлын өдөрт багтаан шийдвэрлэнэ.

6. Мэдээллийн аюулгүй байдал

Мэдээллийг зөвхөн шифрлэгдсэн (HTTPS) холболтоор дамжуулна. CRM болон бусад системд нэвтрэх эрхийг зөвхөн ажлын шаардлагатай ажилтнуудад олгоно. Системийн нууц түлхүүрүүдийг сервер талд хадгалж, хөтөч рүү дамжуулдаггүй.

7. Насанд хүрээгүй хүмүүсийн мэдээлэл

Манай үйлчилгээ бизнес эрхлэгчдэд зориулагдсан тул бид 18 наснаас доош хүний мэдээллийг зориуд цуглуулдаггүй.

8. Бодлогын өөрчлөлт

Бид энэ бодлогыг шинэчилж болно. Өөрчлөлт орсон тохиолдолд энэ хуудсан дээрх хүчинтэй огноог шинэчилнэ.

9. Холбоо барих

Дижитал энд Инбаунд Маркетинг ХХК. И-мэйл: info@dima.mn. Утас: 7211 9211.

English summary

DIMA (Digital & Inbound Marketing LLC) collects the name, organization, phone number and email you submit through forms on dima.mn, the messages you send to our website AI assistant, your Messenger user ID, profile name and message content when you use our Facebook Messenger chatbot, and the public comments you post on our Facebook Page together with your Facebook name and ID. We use this data only to respond to you (including replying to Page comments publicly and by private Messenger reply), provide automated customer support, send follow-up messages within 24 hours of your last Messenger message (you can stop them at any time with the “Мессеж хэрэггүй” button) and send the marketing communication you asked for. We never sell your data. Trusted service providers (CRM, hosting and AI) process data only on our behalf. You may request access to, correction of, or deletion of your data at info@dima.mn. All requests are processed within 7 business days. See our data deletion instructions.