Сошиал медиа нь жижиг дунд бизнесийнхэн, том бизнесүүдтэй хүчтэй өрсөлдөх боломжуудыг бий болгож өгдгөөрөө, олон давуу талтай зөв маркетинг бөгөөд өнөөдөр жижиг, дунд бизнесийнхэн маш бага зардлаар өөрийн нише сегментэд хүрэх маркетинг хийх боломжууд аль хэдийн бий болсон.

Хамгийн эхэнд зорилтод хэрэглэгч тань яг юу хүсэж байна вэ? гэдгийг мэдэх нь жижиг дунд бизнесийнхэний хувьд хамгаас чухал. Ихэнх хүмүүст бодитоор өөрт нь үзүүлэхээс нааш юу хүсэж байгаагаа мэддэггүй. Мөн хүмүүс санал асуулга зах зээлийн судалгаанд оролцохдоо логикоор ханддаг, харин яг бодит худалдан авалт дээр сэтгэл хөдлөлөөрөө үйлдэл хийдэг. Хэрэв та хүмүүсээс люкс зэрэглэлийн үнэтэй машинуудаас сонголт хийх талаар нь асуувал та гол төлөв логик хариултууд авах ба тэд чанар, найдвартай байдал, тав тух гэх мэтийг чухалчилна. Үнэндээ тэдний жинхэнэ хүсэж байгаа зүйл бол статус юм. Хенри Фордын хэлсэн үг байдаг. “Хэрэв би хүмүүсээс юу хүсэж байгааг нь асуусан бол тэд илүү хурдан морь гэж хариулах байсан.

Ихэнх жижиг дунд бизнесийн сурталчилгаанууд үр дүн муутай байдаг учир нь сурталчилгааны бүтэцдээ Компанийн нэр, Лого, Хамгийн сайн чанар, үйлчилгээ үнэ, холбоо барих гэх мэт мэдээллүүдийг багтаасан байдаг. Энэхүү сурталчилгаанд хэрэгцээ нь үүссэн боломжит хэрэглэгчид хариу үйлдэл хийнэ гэж хүлээдэг. Тохирсон боломжит хэрэглэгч яг тухайн цаг мөчид уг сурталчилгааг үзээд худалдан авалт хийх нь тохиолдолын шинж чанартай. Энэ бол тохиолдолын маркетинг юм

Мөн хүмүүс хамгийн шилдэг бүтээгдэхүүнийг худалдаж авдаггүй, хамгийн богино хугацаанд ойлголттой болж чадсан бүтээгдэхүүнийг л авдаг. Хэрэглэгчдийнхээ хүсэл сонирхолыг зөв тодорхойлж тэдэнд хандсан зөв маркетинг хийж чадвал хэрэглэгч танайд хандах бөгөөд хэрэв бүтээгдэхүүн үйлчилгээ тань таалагдвал танай байнгын хэрэглэгч үйлчлүүлэгч болох нь дамжиггүй юм. Маркетингаа хийхдээ дараах шат дарааллаар хийх хэрэгтэй.

• Анзаарах: Контент нь эхэн үедээ тухайн хэрэглэгчдэд асуудал, боломжуудыг ойлгуулахад анхаардаг
• Боловсрол олгох: Асуудал боломжыг нь ойлгуулсаны дараа тухайн хэрэглэгчдэд боловсрол олгоход анхаардаг. Үүнийг өөрөөр итгэл төрүүлэх, итгэл олж авах ч гэж нэрлэдэг.
• Мэдээлэл өгөх: Тухайн зорилтот хэрэглэгчдийг илүү сайн шийдвэр гаргахад нь туслах шийдэл, санаачлага өгөх дараа дараагийн үйлдэлд дуудах мэдээллээр хангана.
• Холбоо үүсгэх: Сонирхолд нь нийцэх зүйлийн талаар холбоо тогтоох сэжүүрийг гарган ирээдүйд гаргаж болох шийдвэр рүү татах алхмыг эхлүүлнэ.
• Борлуулалт руу хувиргах: Энэ үед түүнтэй холбоо тогтоон дараа дараагийн алхам борлуулалт руу хувиргах үйл явц руу шилжинэ. 

Маркетингаа үр дүнтэй хийхдээ хэрэглэгчдийн түгээмэл зан төлвөөр зохиомол дүр болох персона хөгжүүлэн уг персонад зориулан зорилготой контентыг бүтээгээрэй. Өөрөөр хэлбэл персона гэдэг бол та өөрийн зорилтот хэрэглэгчээ тодорхойлон түүний зохиомол дүрийг бүтээсэн зураглал гэж хэлж болно. Хүмүүсийг хүн ам зүйн мэдээлэл, зан чанарын болон сэдэлжих байдлын төсөөтэй чанар, зорилгоор нь бүлэглэн үзэх боломжтой. Хувь хүмүүс хоорондоо ялгаатай ч худалдан авалт хийхдээ эдгээр үзүүлэлтээрээ төсөөтэй байдаг бөгөөд тухайн төсөөт бүлэг хүрээ ижил үг хэллэг хэрэглэх, зорилгынхоо хүрээнд ижил зан үйлийн тогтолцоотой болсон байдаг. Тиймээс бид ямар нэг маркетингийн мэдээлэл хүргэхийнхээ өмнө заавал ХЭНД гэдгээ маш сайн тодорхойлон гаргах хэрэгтэй. Персона гаргах гэдэг нь үүнийг хэлж байгаа хэрэг. Боломжит худалдан авагчийн персонаг гаргаснаар маркетингийнхны хувьд юун дээр илүү төвлөрөх, ямар үг хэллэг түлхүү ашиглах зэргээр ажлаа илүү хөнгөвчилж, илүү ойлгомжтой болгоод зогсохгүй, ХЭНД гэдгээ маш сайн ойлгосон учир үр дүнтэй байж чаддаг. Өөрөөр хэлбэл Худалдан авагчийн персона нарийвчлан гаргаснаар илүү үнэ цэнтэй хэрэглэгчийг татаж, тэдэнд хүрч, нөхцөл байдалд тохирсон мэдээлэл хүргэх боломж бүрддэг.

Холбоотой мэдээ: ЗОРИЛТОТ ХЭРЭГЛЭГЧДИЙН ПЕРСОНА БОЛОН ХУДАЛДАН АВАЛТЫН ЗАМНАЛ ГЭЖ ЮУ ВЭ?

Та хэрэглэгчдийнхээ асуудлыг тодорхойлж, тэдний хүсэл сонирхолыг ойлгодог гэдгээ харуулж чадвал аяндаа тэд танай бүтээгдэхүүн үйлчилгээг сонирхож эхэлнэ. Хэрэв та хэрэглэгчдийнхээ асуудлыг олж тогтоож чадахгүй бол тэдний анхаарлыг ч мөн татаж чадахгүй. Хэрэглэгчдийн чихэнд хоногшино гэдэг хамгийн чухал. Тулгарч буй асуудлынх нь талаар ахин дахин дурдах тусам тэд танай бүтээгдэхүүн үйлчилгээг илүү ихээр сонирхох болно.

Өнөөдөр хэрэглэгчээ амьдралд нь тулгарч буй асуудлуудыг олж харах, шийдэхэд нь тусласан контент хүний сэтгэлд хүрсэн хамгийн сайн маркетинг байж чаддаг. Бид өдийг хүртэл бүтээгдэхүүнийхээ хэр их гайхалтайг магтахдаа хамаг анхаарлаа зориулж ирсэн. Үр дүнд нь хамгийн шилдэг, VIP, чанартай, манлай, топ зэрэг үгс үнэ цэнээ алджээ. Бүтээгдэхүүн, үйлчилгээгээ сурталчлахаас илүүтэйгээр хүмүүсийн амьдралд үнэ цэнэ өгөх, сонирхолтой, хэрэглэгчийн боловсролыг хөгжүүлэх контентыг хөгжүүлэн түгээснээр компани, хэрэглэгчдийн аль алинд хэрэгтэй урт хугацааны тогтвортой харилцаа бий болдог.

Нийтлэл нь маркетингийн мессеж, контентыг зорилтот хэрэглэгчдэд сонирхолтой, өгөөжтэй байдлаар хүргэх төдийгүй вэб хуудсанд чанартай сайн хандалтуудыг авчирдаг. Бүтээгдэхүүн, үйлчилгээний танилцуулгаас ялгаатай нь хэрэглэгчийн боловсролд илүүтэй зориулагдсан байдаг. Маркетингийн зөвлөгөө нийтлэлүүд бичихэд ингэж цаг зав гаргаж үнэгүй зөвлөгөө өгөх ямар хэрэгтэй юм бэ гэж асуух хүмүүс байж магадгүй. Бизнесдээ яагаад нийтлэл бичих хэрэгтэй вэ гэдгийг ЭНДЭЭС дэлгэрүүлж уншаарай.

Бидний хийсэн зарим постерууд:

Бидний хийсэн зарим видео контентууд:

Видео контент бол хамгийн сэтгэл татам агуулгатай контентийн нэг бөгөөд сошиал медиа хэрэгслээр бусад бүх төрлийн контентийг бодвол илүү ирээдүйтэй төрлөөр шалгараад байгаа юм. Cisco-ийн хийсэн судалгаагаар 2024 он гэхэд бүх сошиал агуулгын 92% нь видео контент байх болно хэмээжээ. Энэ нь сошиал медиа-д видео контент ашиглаж эхлэх нь хичнээн чухал болохыг харуулж байгаа юм. Видео контентын хувьд дунджаар 44 секундээс ихгүй байхыг мэргэжилтнүүд зөвлөдөг. Фэйсбүүкт илүү богино видео амжилт олох бол Youtube сувагт илүү түүх өгүүлсэн, үнэ цэнтэй видео ноёрхоно. Хэрвээ та видео ашигладаггүй бол одооноос эхлэн стратеги, төлөвлөгөөндөө тусгаж өгөх ёстой болж байна.

Яг ижилхэн мэдээлэлтэй текстэн нийтлэл болон видео хоёр байхад хүмүүсийн 82% нь видеог сонгосон байна.

Холбоотой мэдээ: Бидний хийсэн зарим ВИДЕО КОНТЕНТУУД