Хүмүүс брэндийн өөрийнх нь хэлсэн үгнээс илүү итгэдэг хүнийхээ зөвлөмжид итгэдэг. Нөлөөллийн маркетинг буюу influencer marketing яг энэ итгэл дээр тулгуурладаг. Олон хүний итгэлийг хүлээсэн хүнээр дамжуулан брэндээ таниулах, нэр хүндээ өсгөх, мессежээ зорилтот бүлэгтээ хүргэх арга юм.

Энэ нийтлэлийг анх 2020 онд бичсэн. Түүнээс хойш нөлөөллийн маркетинг их өөрчлөгдсөн. Олон сая дагагчтай одуудаас илүү жижиг ч идэвхтэй дагагчтай микро нөлөөлөгчид, богино видео, AI-аар бүтээсэн виртуал дүрүүд гарч ирсэн. Хамгийн чухал нь үр дүнг таамгаар бус, бодит тоогоор хэмжих боломжтой болсон.

Доор нөлөөлөгчийг хэрхэн сонгох, хамтран ажиллах, үр дүнг хэрхэн хэмжих талаар практик байдлаар тайлбарлая.

Нөлөөллийн маркетинг яагаад ажилладаг вэ?

Нөлөөллийн маркетингийн гол амин сүнс бол итгэлцэл. Хүмүүс өөрийн хүндэлж, дагадаг хүнийхээ үг, үйлдлийг анхааралтай сонсож, түүнийг дуурайх хандлагатай. Аман сурталчилгаа худалдан авалтын шийдвэрт үргэлж нөлөөлсөөр ирсэн. Сошиал медиа үүнийг зүгээр л олон хүнд, хурдан хүргэх суваг болсон юм.

Сурталчилгааг хүмүүс гүйлгэж өнгөрдөг бол итгэдэг хүнийх нь бодит туршлагыг анхааралтай үздэг. Тиймээс нөлөөлөгч бол зүгээр нэг «сурталчилгааны самбар» биш, итгэлийг дамжуулагч юм.

Холбоотой: Монголчуудын сошиал медиа хэрэглээ

Нөлөөлөгчийн төрлүүд

• Од, олны танил: маш олон дагагчтай, хүрээ өргөн. Брэндийг хурдан таниулахад тохиромжтой ч үнэ өндөр, дагагчидтайгаа ойр харилцаа бага байх нь элбэг.
• Макро нөлөөлөгч: тодорхой салбарт нэр хүндтэй, олон дагагчтай блогчин, мэргэжилтэн.
• Микро нөлөөлөгч: дагагч нь харьцангуй цөөн ч нэг сэдэв (хоол, гоо сайхан, эцэг эх, фитнес, технологи) дээр төвлөрсөн, идэвхтэй, итгэл өндөртэй хүмүүс.
• Нано нөлөөлөгч ба хэрэглэгч бүтээгчид: өөрийн хүрээнд итгэл хүлээсэн жирийн хэрэглэгчид. Тэдний бүтээсэн бодит контентыг брэнд өөрийн сувагт ашиглаж болдог.

Микро нөлөөлөгч яагаад жижиг бизнест тохирдог вэ?

Жижиг, дунд бизнесийн хувьд нэг од хөлслөхөөс хэд хэдэн микро нөлөөлөгчтэй ажиллах нь ихэнхдээ илүү ухаалаг сонголт.

• Зорилтот хүрээ тод: Тэдний дагагчид нэг сонирхолтой тул танай хэрэглэгчтэй давхцах магадлал өндөр.
• Итгэл илүү: Дагагчидтайгаа ойр харилцдаг, коммент бүрт хариулдаг тул зөвлөмж нь илүү бодитой сонсогддог.
• Төсөвт багтана: Нэг томоохон гэрээний мөнгөөр хэд хэдэн хүнтэй туршилт хийж, аль нь ажиллаж байгааг харж болно.
• Контент бэлэн: Тэдний бүтээсэн видео, зургийг зөвшөөрөлтэйгөөр өөрийн пост, сурталчилгаанд дахин ашиглаж болно.

Нөлөөлөгчөө хэрхэн сонгох вэ?

Дагагчийн тоо бол хамгийн сүүлд харах үзүүлэлт. Дараах зүйлсийг эхэлж шалга.

1. Дагагчид нь хэн бэ? Тэдний дагагчид танай персонатай таарч байна уу? Нас, байршил, сонирхлыг нь асууж, статистикийг нь харуулахыг хүс.
2. Идэвх ямар вэ? Коммент бодит уу, эсвэл ерөнхий, давтагдсан үг үү? Хуурамч дагагч, худалдаж авсан идэвхтэй хүнтэй ажиллах нь мөнгө үрэх хамгийн хурдан зам.
3. Үнэ цэнэ таарч байна уу? Түүний ярьдаг сэдэв, амьдралын хэв маяг танай брэндтэй зохицож байна уу?
4. Өмнөх хамтын ажиллагаа: Хэтэрхий олон брэндийг ээлжлэн сурталчилдаг хүний зөвлөмж үнэ цэнээ алддаг.
5. Нэр хүндийн эрсдэл: Өмнөх пост, маргаантай мэдэгдлийг нь хянаж үз. Нөлөөлөгчийн нэр хүнд танай брэндэд шууд нөлөөлнө.

Холбоотой: Зорилтот хэрэглэгчдийн персона болон худалдан авалтын замнал гэж юу вэ?

Хамтран ажиллах хэлбэрүүд

• Бүтээгдэхүүний бодит тойм: хэрэглэж үзээд өөрийн үгээр ярих. Хамгийн итгэл төрүүлдэг хэлбэр.
• Reels, богино видео: задлах, хэрэглэх, өмнө ба дараа гэх мэт хэлбэр.
• Урамшуулал, тусгай код: зөвхөн тэр нөлөөлөгчийн дагагчдад зориулсан хөнгөлөлт.
• Урт хугацааны элчин сайд: нэг удаагийн пост биш, хэдэн сарын турш брэндийг хэрэглэж, ярих.
• Нөлөөлөгчийн контентыг сурталчилгаанд ашиглах: сайн ажилласан контентыг зөвшөөрөлтэйгөөр төлбөрт сурталчилгаагаар илүү олон хүнд хүргэх.

Ямар хэлбэр сонгосон ч нөлөөлөгчид товч бөгөөд тодорхой бриф өг: зорилго, гол мессеж, хэлж болохгүй зүйл, CTA, хугацаа. Харин яг ямар үгээр ярихыг нь хэт хатуу заавал түүний өөрийн дуу хоолой алдагдаж, итгэл унана.

Хамтын ажиллагаа гэдгээ дагагчдад ил тод мэдэгдэх нь итгэлийг хамгаалдаг. Нуусан сурталчилгаа илэрвэл нөлөөлөгч ч, брэнд ч хоёулаа хохирдог.

AI нөлөөлөгч гэж юу вэ?

AI нөлөөлөгч буюу виртуал нөлөөлөгч гэдэг нь бодит хүн биш, компьютер болон AI-аар бүтээсэн дүр. Тэд өөрийн гэсэн нэр, зан төлөв, дагагчтай байж, брэндтэй хамтран ажилладаг.

Давуу тал нь брэнд дүрээ бүрэн удирдана, хэзээ ч ядардаггүй, нэр хүндийн дуулиан гаргахгүй. Харин сул тал нь нөлөөллийн маркетингийн гол хөрөнгө болох итгэлд байдаг. Бодит хүний туршлага биш тул «би хэрэглээд үзсэн» гэх үг жингээ алддаг. Хэрэв ийм дүр ашиглах бол AI-аар бүтээсэн гэдгийг ил тод хэлэх нь зөв.

Жижиг бизнесийн хувьд AI нөлөөлөгч бүтээхээс илүү AI-г нөлөөллийн маркетингаа ухаалаг хийхэд ашиглах нь практик:

• Сонголт: боломжит нөлөөлөгчдийн пост, коммент, сэдвийг AI-д өгч, танай персонатай хэр таарч байгааг харьцуулах.
• Бриф ба санаа: нөлөөлөгчид өгөх брифийн ноорог, контентын санааны олон хувилбар.
• Коммент шинжилгээ: нийтлэлийн доорх сэтгэгдлүүд эерэг үү, сөрөг үү, хүмүүс юу асууж байна вэ гэдгийг хурдан бүлэглэх.
• Тайлан: кампанит ажлын тоон мэдээллээс юу ажилласныг хурдан олох.

Гэхдээ хэнтэй хамтрах, брэнд ямар өнгө аястай ярих, ямар баримт хэлэх вэ гэдгийг хүн өөрөө шийдэж, шалгах ёстой.

Үр дүнгээ хэрхэн хэмжих вэ?

Лайк, хүрэлт хоёр эхлэл төдий. Эцсийн асуулт бол хэдэн хүн холбогдож, хэд нь худалдан авагч болсон бэ гэдэг.

• Зорилгоо эхэлж тогтоо: таних уу, мессеж авах уу, борлуулалт уу? Зорилго бүрийн хэмжүүр өөр.
• Нөлөөлөгч бүрд тусдаа холбоос, код өг: хэн хэдэн хүн авчирсныг ялгаж харна.
• Вэбсайтаа бэлд: Meta Pixel болон Conversions API тохируулсан бол нөлөөлөгчөөс ирсэн хүмүүс сайт дээр юу хийснийг хэмжиж, дахин хүрэх боломжтой.
• Мессежийг сэжим болго: Пост сонирхсон хүмүүс мессеж бичихэд AI чатбот шууд хариулж, нэр, утсыг нь CRM-д бүртгэнэ. Аль нөлөөлөгчөөс ирснийг тэмдэглэвэл кампанит ажлыг сэжим, борлуулалтаар нь харьцуулах боломжтой.
• Нэг сэжим хэдээр ирсэн бэ: нөлөөлөгчид төлсөн мөнгөө авчирсан сэжим, борлуулалтад хувааж, сувгуудаа харьцуул.

Холбоотой: Яагаад танай постууд лайк аваад борлуулалт авчрахгүй байна вэ?

DIMA нөлөөллийн маркетингийг хэрхэн хийдэг вэ

Нөлөөллийн маркетинг бол манай Брэнд ба стратеги үйлчилгээний нэг хэсэг. Бид эхлээд зорилтот хэрэглэгч, байр суурийг тодорхойлж, түүнд тохирох нөлөөлөгчийг сонгоно. Дараа нь нөлөөлөгчөөс ирсэн хүмүүсийг AI чатбот, CRM-ээр сэжим болгон бүртгэж, үр дүнг борлуулалт хүртэл хэмжинэ. Дэлгэрэнгүйг Нөлөөллийн маркетинг хуудаснаас үзнэ үү.

Танай брэндэд ямар нөлөөлөгч тохирох, үр дүнг яаж хэмжихийг ярилцмаар байвал үнэгүй зөвлөгөө авах хүсэлт үлдээгээрэй. Мөн 7211 9211 дугаарт залгах эсвэл info@dima.mn хаягаар бичиж болно.