Агентлагтай ажиллахаар шийдсэн бизнес эрхлэгч хамгийн түрүүнд «Аль багц надад тохирох вэ, тэр багцад яг юу ордог вэ?» гэж асуудаг. Энэ бол зөв асуулт. Сайн багц бол зүгээр нэг үнийн жагсаалт биш, ажил ямар дарааллаар, юунаас эхэлж явахыг харуулсан зураглал юм.

Энэ нийтлэлийг анх 2020 онд манай Basic багцын тайлбар болгон бичсэн. Түүнээс хойш багцууд, ажлын арга маань бүхэлдээ шинэчлэгдсэн. Тиймээс энд одоогийн гурван суурь багц, сар бүрийн гурван багцыг нэг дор тайлбарлав.

Маркетинг хоёр үе шаттай: эхлээд систем, дараа нь идэвхжүүлэлт

Олон бизнес эхлээд пост тавьж эхэлдэг, дараа нь л «Бид хэнд хандаж байгаа юм бэ?» гэдгийг бодож эхэлдэг. Бид эсрэг дарааллаар ажилладаг.

• Суурь багц (нэг удаагийн төсөл): зорилтот хэрэглэгч, байр суурь, контентын суурь, AI чатбот, сэжим бүртгэх систем, шаардлагатай бол вэбсайт, CRM зэргийг босгоно.
• Сар бүрийн идэвхжүүлэлт: босгосон системээ сар бүр контент, сувгийн хөтлөлт, сурталчилгааны төлөвлөгөө, тайлангаар ажиллуулна.

Багцуудыг хольж сонгож болно. Жишээ нь суурь багцаар системээ босгоод, дараа нь өөрт тохирох сарын багцаар үргэлжлүүлэх нь хамгийн түгээмэл зам.

Суурь багц ямар асуултад хариулдаг вэ?

Аль ч суурь багц дараах дөрвөн асуултаас эхэлдэг. Эдгээрт хариулаагүй бол хичнээн сайхан пост хийсэн ч үр дүн нь тохиолдлын шинжтэй байдаг.

1. Бид юунд хүрэхийг хүсэж байна вэ?

Маркетингийн зорилго бизнес бүрт өөр. Брэндээ таниулах, шинэ зах зээл эсвэл шинэ бүлэг хэрэглэгчдэд хүрэх, одоогийн хэрэглэгчидтэйгээ харилцаагаа бэхжүүлэх, борлуулалтаа өсгөх гэх мэт. Зорилгоо SMART болгохыг бид зөвлөдөг:

• Specific (тодорхой): нэг тодорхой үзүүлэлт дээр төвлөрсөн
• Measurable (хэмжигдэхүйц): хэмжих арга нь тодорхой
• Attainable (хүрч болохуйц): бодитой ч хүч гаргахыг шаардсан
• Relevant (хамааралтай): бизнесийн зорилго, бэлэн нөөцтэй уялдсан
• Timely (хугацаатай): хүрэх эцсийн хугацаатай

2. Бид хэнд ярьж байна вэ?

Зах зээлийг хэрэгцээ, сонирхол, амьдралын хэв маяг, хүн ам зүйн шинжээр нь бүлэглэж, хамгийн ашигтай буюу өсөх боломжтой сегментээ сонгоно. Дараа нь тэр сегментийн төлөөлөл болох зохиомол дүр буюу персонаг гаргана. Персона тодорхой болохоор ямар үгээр, ямар сувгаар, юуны тухай ярих нь өөрөө тодорхой болдог.

Персона гаргах уулзалтад танай маркетинг, борлуулалт, харилцагчийн үйлчилгээний хүмүүс оролцох нь чухал. Хэрэглэгчийг хамгийн сайн мэддэг хүмүүс бол тэд.

Холбоотой: Зорилтот хэрэглэгчдийн персона болон худалдан авалтын замнал гэж юу вэ?

3. Хэрэглэгч ямар замаар худалдан авалтад хүрдэг вэ?

Худалдан авалтын замнал гурван үндсэн шаттай:

• Анзаарах шат: хэрэглэгч асуудал эсвэл боломжоо дөнгөж анзаарч байна
• Харьцуулах шат: шийдлүүдийг судалж, хооронд нь харьцуулж байна
• Шийдэх шат: хэнээс, яагаад авахаа шийдэж байна

Шат бүрт тохирсон контент хэрэгтэй. Зөвхөн «манайхаас аваарай» гэсэн пост гаргавал эхний хоёр шатанд байгаа хүмүүсийг алддаг.

Холбоотой: Marketing funnel гэж юу вэ? Монгол бизнесүүдийн алдаж байгаа 90% хэрэглэгч

4. Сонирхсон хүнийг бид алдахгүй байж чадах уу?

Пост сонирхсон хүн мессеж бичихэд хариулт хоцорвол тэр хүн өрсөлдөгч рүү шилждэг. Тиймээс бүх суурь багцад AI чатбот ордог. Чатбот асуултад 24/7 хариулж, сонирхсон хүний нэр, утсыг сэжим болгон бүртгэнэ. Ингэснээр маркетингаас ирсэн хүн бүр тань дээр мэдээлэл болон үлдэнэ.

Basic: AI Growth Starter, 1 сар, 4 сая ₮

• AI-д суурилсан дижитал ба инбаунд зөвлөгөө
• зорилтот хэрэглэгч, байр суурь тодорхойлох
• постер 8ш, Reels 1ш
• AI чатбот, сэжим бүртгэх автомат систем

Хэнд тохирох вэ: дижитал маркетингаа системтэй эхлүүлж байгаа, эсвэл одоо хийж байгаа маркетингаа нэг цэгцэлмээр байгаа бизнест. Нэг сарын дотор хэнд, юу хэлэхээ тодорхой болгож, мессежид хариулдаг чатботтой болж, анхны контентуудаа гаргана.

Advanced: AI Growth System, 2 сар, 8 сая ₮

Манай хамгийн эрэлттэй багц.

• борлуулалтын funnel архитектур
• Persona ба Buyer Journey зураглал
• постер 16ш, Reels 2ш
• чатбот, сэжмийн үнэлгээний урсгал
• вэбсайт ба хайлтын системийн оновчлол

Хэнд тохирох вэ: борлуулалт хийж байгаа ч сонирхсон хүмүүсээ худалдан авагч болгох урсгал нь цэгцгүй байгаа бизнест. Энд зөвхөн контент биш, хэрэглэгчийг анзаарахаас шийдэх хүртэл дагуулдаг funnel, аль сэжим илүү бэлэн байгааг ялгадаг үнэлгээний урсгал, хайлтаас олддог вэбсайт бүгд нэг систем болж холбогдоно.

Professional: AI Automation Ecosystem, 3 сар, 12 сая ₮

• full funnel архитектур, байр суурь
• өрсөлдөгчийн судалгаа
• постер 24ш, Reels 3ш, видео 60 сек
• вэбсайт, SEO, Performance Ads стратеги
• CRM систем, чатбот, сэжмээс борлуулалт хүртэлх автомат урсгал

Хэнд тохирох вэ: олон сувгаар зэрэг ажилладаг, борлуулалтын багтай, төлбөрт сурталчилгаанд тогтмол төсөв гаргадаг бизнест. Сэжим орж ирэхээс борлуулалт хаагдах хүртэлх бүх алхам CRM дээр харагдаж, давтагддаг ажлууд автоматаар явна.

Холбоотой: Жижиг дунд бизнес эрхлэгчид хэрэглэгчтэй харилцах менежментийн системийг яагаад нэвтрүүлэх хэрэгтэй вэ?

Анхаарах хоёр зүйл

• Вэбсайт: Advanced болон Professional багц вэбсайт шаарддаг. Вэбсайт байхгүй эсвэл хуучирсан бол бид эхлээд түүнийг хийнэ.
• Сурталчилгааны төсөв: Facebook, Google-д төлөх сурталчилгааны мөнгө багцын үнэд ороогүй, түүнийг тусад нь тооцно.

Суурь багцын дараа: сар бүрийн S, M, L

Систем бэлэн болсны дараа түүнийг сар бүр ажиллуулах хэрэгтэй. Үүнд гурван багц бий:

• S, AI Social Starter, сард 3 сая ₮: постер 8ш, Reels 1ш, сошиал сувгийн хөтлөлт, сарын тайлан
• M, AI Growth Activation, сард 4 сая ₮: постер 12ш, Reels 2ш, сувгийн идэвхжүүлэлт, сэжим бүртгэх CTA стратеги
• L, AI Performance Growth, сард 5 сая ₮: постер 16ш, Reels 3ш, видео 1ш, төлбөрт сурталчилгааны төлөвлөгөө, өсөлтийн дүн шинжилгээ

Сарын багцын дэлгэрэнгүй тайлбарыг сошиал медиа маркетингийн үйлчилгээний нийтлэлээс уншаарай.

Холбоотой: Сошиал медиа маркетингийн үйлчилгээ: AI-тай хамт хэрхэн ажилладаг вэ?

AI багцын ажилд ямар үүрэгтэй вэ?

Бид ажлын олон шатанд AI ашигладаг. Хэрэглэгчийн мессеж, коммент, борлуулалтын тэмдэглэлээс персонагийн ноорог гаргах, контентын санаа, эхний хувилбарыг хурдан бэлтгэх, чатботоор хариулж сэжим бүртгэх, сарын тоо баримтаас юу ажилласныг хурдан олох зэрэг ажилд AI цаг их хэмнэдэг.

Харин стратеги, үнэн зөв мэдээлэл, брэндийн дуу хоолой үргэлж хүний ажил хэвээр. Засварлаагүй AI контент нэг хэвийн, хүйтэн сонсогддог. Тиймээс эцсийн чанарыг манай баг хариуцна.

Хэрэв та маркетингийн төлөвлөгөөгөө эхлээд өөрөө гаргаж үзмээр байвал PlanAI ашиглаж болно. Монгол хэрэглэгчийн худалдан авах зан төлөв, улирлын эрэлт, баяр ёслол, сувгийн бодит зардалд тулгуурлан ойролцоогоор 30 минутад бэлэн төлөвлөгөө, кампанит ажлын хуваарь гаргадаг.

Хамтын ажиллагааг амжилттай болгодог зүйлс

Олон жилийн туршлагаас харахад багцын үр дүн манай ажлаас гадна танай талын оролцооноос их хамаардаг.

Тусалдаг зүйлс:

• Удирдлага өөрчлөлтөд нээлттэй байж, өөрөө манлайлах
• Бүтээгдэхүүн, үйлчилгээ, борлуулалтын явцын мэдээллээр маркетингийн багийг тогтмол хангах
• Ажлын үр дүнг хэмжиж, шинжилж, байнга сайжруулах
• Төлөвлөгөөний дагуу тогтвортой ажиллах

Саад болдог зүйлс:

• Хуучин арга барилдаа хэт зууралдах
• Контентын ноорогт санал өгөх цаг гаргахгүй байх
• Нэг шидэт аргаар гэнэт гайхалтай үр дүн хүлээх
• Сурталчилгааны төсөвгүйгээр хурдан өсөлт хүлээх

DIMA багцаа хэрхэн сонгуулдаг вэ

Бид 2019 оноос хойш жижиг, дунд бизнест дижитал ба инбаунд маркетингийн үйлчилгээ үзүүлж байна. Багц сонгохын өмнө танай одоогийн байдал, зорилго, вэбсайт, борлуулалтын урсгалыг хамтдаа харж, аль суурь багцаас эхлэх, дараа нь аль сарын багцаар үргэлжлүүлэхийг санал болгодог. Бүх багцыг эндээс харьцуулж үзэж болно. Багц, үнэ, ажлын урсгалыг нэг дор харах бол үйлчилгээний танилцуулгыг татаж аваарай (PDF, 15 хуудас).

Танай бизнест аль багц тохирохыг хамтдаа тодорхойлмоор байвал үнэгүй зөвлөгөө авах хүсэлт үлдээгээрэй, эсвэл 7211 9211 дугаарт залгаарай.