ҮЛ ХӨДЛӨХ ХӨРӨНГИЙН САЛБАРЫН МАРКЕТИНГИЙГ ХЭРХЭН ХИЙХ ВЭ?
Үл хөдлөх хөрөнгийн үнэ цэн тасралтгүй нэмэгддэг, үргэлж өсдөг гэдгээрээ хэзээд олон нийтийн анхаарлын төвд байдаг. Манай улсын хувьд барилга, үл хөдлөх хөрөнгийн салбар харьцангуй залууд тооцогдох ч гэлээ сүүлийн жилүүдэд олон улсын туршлагуудыг амжилттайгаар нэвтрүүлж, гаднын нөү-хауг ашиглан, хөгжлийн хурдаа түргэсгэх болоод буй. Иймд бид энэ удаа хурдацтайгаар өсөн нэмэгдэж буй зах зээл болох үл хөдлөх хөрөнгийн салбарын дижитал ба инбаунд маркетингийг хэрхэн үр дүнтэй хийх талаар нийтлэл орууллаа. Сайт сонин дээр гардаг үл хөдлөх хөрөнгийн салбарын борлуулалтын мэдээлэл гэхээс илүүтэй нэгэнт эхлүүлсэн болон эхлүүлэх гэж байгаа төсөл дээр маркетингаа хэрхэн үр дүнтэй хийх вэ? Борлуулалтруугаа хэрхэн чанартай маркетингийн сэжимүүдийг авчрах вэ? гэдгийг нийтлэлийнхээ гол агуулгыг болголоо.
ЯАГААД ДИЖИТАЛ, ИНБАУНД МАРКЕТИНГ гэж? УЛАМЖЛАЛТ МАРКЕТИНГААС ЯЛГАА нь юу вэ? Маркетер төвтэй уламжлалт аутбаунд маркетинг (Телевиз, FM гэх мэт) хүмүүсийг хүсээгүй байхад маркетингийн мессежээр “хүчирхийлсээр” байдаг бол дижитал инбаунд маркетингийн аргачлал нь хэрэглэгчээ амьдралд нь тулгарч буй асуудлуудыг олж харах, шийдэхэд нь тусласан контент буюу блог, видео, подкаст, цахим ном, мэдээллийн и-мэйл, (хайлтын системийн оновчлол, сошиал медиа маркетинг) болон бусад контентуудаар татаж худалдан авалтын янз бүрийн үе шатандаа байгаа хэрэглэгчдийг борлуулалтруу хувиргаж чаддаг аргачлал юм.
Уламжлалт маркетинг ул болж байна гэдэгтэй та санал нийлдэг үү? Үзэж байсан киногоо мартатлаа реклам үздэг байсан хүмүүс өнөөдөр IPTV-тэй болсноор гүйлгээд, ухраагаад, нөхөөд үзчих жишээтэй. Телевиз үздэггүй шинэ үеийнхэн бол заримыг нь бүр огт мэдэхгүй. Маркетер төвтэй уламжлалт аутбаунд маркетинг хүмүүсийг хүсээгүй байхад маркетингийн мессежээр “хүчирхийлсээр” эцэст нь маркетинг гэдэг ойлголтыг хүмүүс тархи угаалттай зүйрлэхэд хүргэсэн нь өндөр зардалтай дээрээ үр дүн султай болоход хүргэсэн.
Нэн их мэдээллийн энэ эрин үед телевизийн хүмүүс зар сурталчилгаа хараад дэлгүүрт очоод телевиз худалдаад авдгаа больж байна. Бид LED, LCD нь ямар ялгаатай юм, Full HD гэхээр яадаг юм, энэ шинэ гарсан UHD гэдэг нь надад үнэндээ хэрэгтэй юм уу, хэдэн инчийн дэлгэц манай том өрөөнд тохирох вэ, смарт гэхээрээ ямар боломжууд байдаг юм, би ямар зурагт авбал Netflix үзэж болох бол, гар утсаа зурагттайгаа холбож болох болов уу, манай найзууд зурагт аваад хэр сэтгэл хангалуун байна, хүмүүс энэ зурагтын тухай юу гэж бичсэн байна, аль нь ямар үнэтэй, лизинг авч болох эсэх гэх мэт олон асуултын хариуг интернэтээр вэб хуудсууд, сошиал медиа сайтуудаас хайж судалсны эцэст худалдан авалтын шийдвэрээ бараг л гаргачихаад дэлгүүрт очих болжээ.
Ийм цаг үед маркетингийн хамгийн үр дүнтэй хэлбэр бол контент маркетинг мөн. Өнөөдөр хэрэглэгчээ амьдралд нь тулгарч буй асуудлуудыг олж харах, шийдэхэд нь тусласан контент хүний сэтгэлд хүрсэн сайн маркетинг байж чаддаг. Бид өдийг хүртэл бүтээгдэхүүнийхээ хэр их гайхалтайг магтахдаа хамаг анхаарлаа зориулж ирсэн. Үр дүнд нь хамгийн шилдэг, VIP, чанартай, манлай, топ зэрэг үгс үнэ цэнээ алджээ. Бүтээгдэхүүн, үйлчилгээгээ сурталчлахаас илүүтэйгээр хүмүүсийн амьдралд үнэ цэнэ өгөх, сонирхолтой, хэрэглэгчийн боловсролыг хөгжүүлэх контентыг хөгжүүлэн түгээснээр компани, хэрэглэгчдийн аль алинд хэрэгтэй урт хугацааны тогтвортой харилцаа бий болдог. Ингээд нийтлэлийн гол агуулгаруу оръё.
Холбоотой нийтлэл: ДИЖИТАЛ МАРКЕТИНГАА САЙЖРУУЛАХ АЛХАМУУД
1. Зорилтот хэрэглэгчийн персона тодорхойл
Хамгийн эхлээд танай худалдан авагч хэн бэ? гэдгийг тодорхойлох хэрэгтэй. Орчин үед маркетингийг үр дүнтэй хийхдээ зорилтод худалдан авагчийн түгээмэл зан төлвөөр зохиомол дүр болох персонаг гаргаж, түүнд зориулан зорилготой контентуудыг бүтээдэг болсон. Өөрөөр хэлбэл персона гэдэг бол та өөрийн зорилтот хэрэглэгчээ тодорхойлон түүний зохиомол дүрийг бүтээсэн зураглал гэж хэлж болно.
Хүмүүсийг хүн ам зүйн мэдээлэл, зан чанарын болон сэдэлжих байдлын төсөөтэй чанар, зорилгоор нь бүлэглэн үзэх боломжтой. Хувь хүмүүс хоорондоо ялгаатай ч худалдан авалт хийхдээ эдгээр үзүүлэлтээрээ төсөөтэй байдаг бөгөөд тухайн төсөөт бүлэг хүрээ ижил үг хэллэг хэрэглэх, зорилгынхоо хүрээнд ижил зан үйлийн тогтолцоотой болсон байдаг. Тиймээс ямар нэг маркетингийн мэдээлэл хүргэхийнхээ өмнө заавал ХЭНД гэдгээ маш сайн тодорхойлон гаргах хэрэгтэй. Персона гаргах гэдэг нь үүнийг хэлж байгаа хэрэг юм.
Боломжит худалдан авагчийн персонаг гаргаснаар маркетингийнхны хувьд ямар контент дээр илүү төвлөрөх, ямар үг хэллэг түлхүү ашиглах, ямар сошиал сувгаар түлхүү мэдээлэл хүргэх зэргээр ажлаа илүү хөнгөвчилж, илүү ойлгомжтой болгоод зогсохгүй, ХЭНД гэдгээ маш сайн ойлгосон учир үр дүнтэй байж чаддаг.
Өөрөөр хэлбэл Худалдан авагчийн персонаг нарийвчлан гаргаснаар илүү үнэ цэнтэй хэрэглэгчийг татаж, тэдэнд хүрч, нөхцөл байдалд тохирсон мэдээлэл хүргэх боломж бүрддэг гэсэн үг.
Мэдээж зөвхөн нэг персона гаргах нь учир дутагдалтай. Учир нь хэрэглэгчид хоорондоо төсөөтэй байж болох ч яг ижилхэн байдаггүй шүү дээ. Хэсэг бүлэг хүрээг төлөөлж чадах хэд хэдэн персонаг гаргаарай.
Холбоотой нийтлэл: ЗОРИЛТОТ ХЭРЭГЛЭГЧДИЙН ПЕРСОНА хэрхэн гаргах вэ?
Сүүлийн судалгаагаар худалдан авагчид аль дүүрэгт, ямар төрлийн орон сууцыг ямар үнээр, ямар төлбөрийн нөхцлөөр худалдан авахыг хүсч байгаа болон үл хөдлөх хөрөнгө худалдан авах шийдвэр гаргахдаа ямар шалгуурыг үндэслэж байгааг доор танилцуулая.
Ипотекийн зээл авагчдын 55 орчим хувь нь эрчүүд, 45 орчим хувь нь эмэгтэйчүүд байгаа бол 30-40 насныхан нийт зээлдэгчдийн 50 шахам хувийг дангаар бүрдүүлж байна. Зээлдэгчдийн 77.36 хувь нь Улаанбаатар хотод амьдардаг.
2. Контентын төлөвлөгөө гарга
Контент маркетинг хүмүүст илүү хүрдэг. Энэ нь тоо тоймгүй олон контентыг хийгээд бай гэсэн үг огт биш. Контентын төлөвлөгөө гарган хэрэглэгчдэд тодорхой дэс дараалал, эмц цэгц, зорилготойгоор мэдээллийг хүргэх нь чухал.
Хэрэглэгчийн худалдан авалтын замналын аль үе шатанд, ямар мэдээлэл хүргэх вэ? Хэрхэн түүнийг дараа дараагийн алхамд дуудах вэ? гэдгийг тодорхой болгон төлөвлөгөөг гаргана.
Худалдан авалтын замнал гэж юу вэ?
Хүнд ямар нэгэн асуудал тулгарлаа гэж бодъё. Тэрхүү асуудлаа анзаарч чухам ямар асуудал болохыг тодорхойлж улмаар шийдэх арга зам, шийдлүүдийг хайж эхлэдэг. Үүний дараа нь тэрхүү шийдлүүдээс сонголтоо хийх шийдвэрийн гарцыг олдог. Энэ бол худалдан авалтын замнал юм. ХУДАЛДАН АВАЛТЫН ЗАМНАЛ ГЭЖ ЮУ ВЭ? түүнийг хэрхэн гаргах вэ? гэдгийг энд дарж уншаарай.
Асуудлаа анзаарна, хэрэгсээд шийдэл хайна, дараа нь худалдан авалтын шийдвэр гаргана. Одоо харин арай олон задалсан хувилбарыг авч үзье.
- Хамгийн эхний шатанд боломжит хэрэглэгч танай тухай анзаарна.
- Сонирхох шатанд хэрэглэгч танай мэдээлэл, сурталчилгаа, контенттой контакт үүссэн байх ба танай маркетингийн мессеж сонирхлыг нь татна.
- Хэрэгсэх шатанд хэрэглэгч танай тухай мэдээлэл нэлээн сайтай болсон байх ба хэрэгжүүлж байгаа төсөл боломжын юм гэсэн бодол төрсөн байна. Өөрөөр хэлбэл танайхыг хэрэгсэж эхэлсэн байх аж.
- Дараагийн шатанд хэрэглэгч ер нь худалдан авалт хийх зөв гэсэн шийдэлд хүрнэ. Энэ үед та яагаад танайх бусдаас илүү болохыг ойлгуулах нь чухал.
- Харьцуулалтын шат нь худалдан авалтын яг өмнөх нь юм. Энэ шатанд хэрэглэгч өөрийн хийж болох сонголтуудыг үзүүлэлт, функц, дизайн, чанар, үнэ, өмнөх худалдан авагчийн үнэлгээ ямар байсан гэх мэтээр харьцуулан судалдаг.
- Одоо харин худалдан авалт хийгдэх ба борлуулалтаа хурдасгахын тулд компаниуд хямдралын купон, бонус, демо, туршилт гэх мэт аргуудыг хэрэглэх нь элбэг.
Шатлалаар нь юүлүүрийн дээд (top of the funnel буюу ToFu), дунд (middle of the funnel буюу MoFu), доод хэсэг (bottom of the funnel буюу BoFu) гэж бас хуваана. Өмнөх аргачлалаар бол анзаарах шат дээд хэсэгт, хэрэгсэх шат дунд хэсэгт, шийдвэр гаргах шат доод хэсэгт хамаарна.
Одоо харин танай маркетинг, борлуулалтын зүгээс юүлүүрийг хэрхэн загварчилж болохыг харъя.
- Эхлээд танай маркетингийн мессеж, контентыг үзнэ, харна, анзаарна. Өөрөөр хэлбэл хандалт авна. Энэ шатанд чухам хэн гэж хэрэглэгч гэдгийг ялгах тодорхойлоогүй байна.
- Үүний дараа контакт үүссэнээр танайх ирээдүйд худалдан авалт хийж болох сэжмийг олж авна. Жишээ нь: үзэсгэлэн яармаг дээр танилцуулга авсан, танайхаас мэдээлэл, контент авахын тулд и-мэйл хаягаа өгсөн байж болох, эсвэл хямдралын купон авахын тулд бүртгүүлсэн байж болох юм.
- Шинэ үүссэн сэжим худалдан авалт хийхэд бэлэн биш байх магадлал тун өндөр. Маркетинг хийсний үр дүнд сэжмүүд борлуулалтад бэлтгэгддэг ба үүнийг маркетинг үнэлсэн сэжим (marketing qualified lead буюу MQL) гэнэ. Энгийнээр хэлбэл маркетингийнхан эдгээр сэжмүүдэд борлуулалт хийж болно гэж тодорхойлж байна гэсэн үг. Ихэнх тохиолдолд энэ шатыг компаниуд орхигдуулдаг.
- Одоо харин борлуулалтынханд хамаатай шат эхлэж байна. Бий болсон сэжмүүдийг борлуулалтынхан үнэлсний дүнд чухам аль сэжмүүдэд борлууалт хийхийг тодорхойлно (sales qualified lead буюу SQL). Ихэнх тохиолдолд энэ шатыг компаниуд орхигдуулдаг.
- Худалдан авалтын яг өмнөх шат нь боломж буюу opportunity юм. Энэ шатанд хэрэглэгч танай байрыг худалдан авахаар хэлцэл (буюу deal) үүсгэсэн байдаг.
- Сүүлийн шатанд худалдан авалт хийгдэж хэлцлийг хааснаар уг боломж танай харилцагч (буюу customer) болно.
3 ба 4 дүгээр шатууд нь маркетинг борлуулалтын ажлын уялдаа, урсгалд чухал.
Үл хөдлөх хөрөнгө худалдаж авах гэж байгаа хэрэглэгч дараах худалдан авалтын замналын шатыг туулдаг.
- Хэрэгцээгээ тодорхойлох үе шат: Энэ нь хэрэглэгчийн хувьд амьдарч буй сууцаа шинэчлэх, эсвэл шинээр худалдаж авах хэрэгцээ үүссэн үед, гэр бүлийн санхүүгийн боломж, эх үүсвэрээ тодорхойлж, үүндээ тохирох байршил, дүүргээ сонгох үе. Энэ үед хаана, ямар байр авах талаар найз нөхөд, гэр бүл, таньдаг хүмүүсээс асууж сураглах, тандах, интернэт хайлт ашиглан хайж эхэлнэ.
- Судалгаа хийх үе шаm: Энэ үед сонгосон дүүрэг, байршил дахь орон сууцны талаар нарийвчласан мэдээлэл цуглуулж эхэлдэг. Мэдээллийн гол суваг нь тухайн дүүрэг, хороололд амьдардаг найз нөхөд, гэр бүл, таньдаг хүмүүсээс гадна тухайн дүүрэг дэх орон сууцны хороолол, хотхон, барилгын компанийн вэб хуудас, блог, сошиал медиа хуудас, үл хөдлөх хөрөнгө зуучлалын агентууд болно. Эдгээрээс сонирхож буй байрныхаа ашиглалтанд орсон/орох хугацаа, ерөнхий төлөвлөлт, цонхны харц буюу нарны тусгал, ажил, хүүхдийн сургууль цэцэрлэгтэй ойр байршил эсэх, аюулгүй байдал зэрэг мэдээллийг судалдаг.
- Харьцуулалт хийх үе шат: Дараагийн үе шат бол хэрэглэгчийн харьцуулалт хийх үе шат юм. Энэ үе шатанд хэрэглэгч сонгосон байр, орон сууцныхаа талаар хангалттай мэдээлэл цуглуулсан ба үүн дээрээ үндэслэн харьцуулалт хийж эхэлдэг. Байршил, барилгын чанар, орчин зэргийг өөрийн биеэр очиж үзэхээс гадна онцлог давуу талуудыг нарийвчлан судалдаг байна. Үүнд цонхны харц, ашиглалтад орсон хугацаа, ерөнхий төлөвлөлт, материаллаг бааз, м2 сонголтууд, автомашины зогсоол, хөнгөлөлт урамшууллын нөхцөл зэрэг багтана.
Маркетингийнхны хувьд анхаарлаа хандуулах хэсэг нь худалдан авалтын замналын Судалгаа хийх, Харьцуулалт хийх үе шатууд бөгөөд сонголт хийх, гэрээ байгуулах үе шатууд илүү борлуулалтын албаны анхаарах хэсэг юм.
3. Сайн контент бүтээх
Танай контент зөвхөн зураг постер видео байх албагүй блог нийтлэл, инфографик, подкаст, хөдөлгөөнт зураг, цахим сэтгүүл гэх мэт олон төрлийн контентыг ашиглаж илүү үр дүнтэй хүргэж болно.
Түлхүүр үгс
Мөн контентын сэдэвт тохирсон түлхүүр үгсийг оруулах хэрэгтэй. Энэ нь хайлтын системд танигдах боломж ихэсдэг. Хайлтын системээр орж ирсэн хэрэглэгчид маш сайн борлуулалтын сэжим болдог. Учир нь тэд асуудлаа ойлгочихсон шийдвэрлэх гарцыг хайж байдаг.
Call-To-Action буюу үйлдэлд дуудах
Танай контентыг сонирхож уншсан хүн бол танай борлуулалтын сэжим болох магадлал өндөр шүү дээ. Тиймээс тэрхүү сэжимд дараа дараагийн мэдээлэл хүргэн /Call-To-Action/ зөв байршуулан, холбоосуудыг оновчтой хийн үйлдэлийг нь удирдах хэрэгтэй. Ингэснээр танай хэрэглэгч болох магадлал өсөх болно.
Хэрэглэгчидтэйгээ холбогдох контентууд маш чухал. Таны мэдээлэл хүргэхээр зорьж буй хүмүүст таны бэлтгэсэн агуулга ямар нэгэн байдлаар үнэ цэнэ өгсөн байх хэрэгтэй. Бид мэдээллийн маш их урсгал дунд амьдарч байна. Таны бэлтгэсэн агуулга бусад олон мэдээллүүдээс чанартай, хэрэгтэй байж өрсөлдөөнд ялгарч чадна.
Дэлхий дахинд үл хөдлөхийн салбарын борлуулалтанд видео контентууд ихээр тусалж байна. Та үүнийг одоо хүртэл мэдээгүй, хийж хэрэгжүүлж эхлээгүй юм биш биз. Тийм бол та маш том боломжыг алдаж байна гэсэн үг. Үл хөдлөх хөрөнгийн салбарын мэргэжилтнүүд шилдэг видео контентууд бүтээж үл хөдлөх хөрөнгийн мэдээллийг хуваалцах нь хамгийн үр дүнтэй контент маркетинг гэдгийг зөвлөж байна. Учир нь сошиал медиа дээрх видео агуулга нь зураг, текст, хөдөлгөөнт зураг гэх мэт бусад төрлийн агуулгуудаас хамгийн их хандалтыг авч чаддаг. Тиймээс та өөрийн борлуулах гэж буй орон сууц, үл хөдлөх хөрөнгөтэй холбоотой видео агуулгуудыг бүтээлчээр хийж бусадтай хуваалцах нь үр дүнтэй идэвхжүүлэлтийн нэг байх болно.
Жишээ нь: Худалдан авагчдыг интернэт орчинд загварын байр, сууцнуудын өрөө тус бүрийн зураг, 3D, 360 зураглал, дрон бичлэг видеог үзэх боломжоор хангах хэрэгтэй. Энэ нь хүмүүсийн цаг завыг хэмнээд зогсохгүй бодит орчины мэдээлэл авах таатай боломжийг олгодог.
4. Контент түгээх сувгууд
Үр өгөөжтэй хэрэглэгчдэд таалагдах маш сайн контент хийлээ. Одоо яах вэ? Аль аль сошиал сувгуудыг ашиглах вэ? Хэрхэн контентоо хэрэглэгчиддээ хүргэх вэ? Зорилтот хэрэглэгчид рүүгээ хэрхэн чиглүүлэх вэ?
Зөвхөн вэб хуудсандаа байршуулаад, фэйсбүүк пэйж дээрээ тавилаа гээд яг зорилтот хэрэглэгчид рүү хүрэхгүй байх магадлалтай. ФЭЙСБҮҮК МАРКЕТИНГИЙН ПРАКТИКТ ШАЛГАРСАН АРГА нийтлэлээс уншаарай. Бусад үр дүнтэй сошиал сувгийг ашиглах боломжтой. Мөн өөрийн вэб хуудсандаа блог нийтлэлийн буланг нэмж өгөөрэй. Энэ нь танай байгууллагын вэб хуудсыг илүү амьд болгож өгдөг.
Вэб хуудас бол дижитал маркетингийн цөм юм. Вэб хуудсаараа дамжуулан төслийн талаарх бүх мэдээллийг хамгийн бүрэн дүүрэн хэлбэрээр хүргэхээс гадна борлуулалтын сэжим татах чухал хэрэгсэл болдог. Вэб сайт нь компани болон үйлчилгээний танилцуулга төдий зүйл байхаа больж маркетингийн хамгийн чухал хэрэгсэл болоод байна. Бид харилцагчиддаа зөвхөн сайн загвар дизайнтай вэбсайт бус ирээдүйд борлуулалтын сэжим авчрах маркетингийн үр ашигтай вэбсайт санал болгодог.
Холбоотой нийтлэл: БАЙГУУЛЛАГЫН ВЕБ ХУУДАС ЯМАР БАЙХ ЁСТОЙ ВЭ?
Холбоотой нийтлэл: БИЗНЕСҮҮД ЯАГААД ВЕБСАЙТТАЙ БОЛОХ ХЭРЭГТЭЙ ВЭ? ВЕБСАЙТАА ХЭРХЭН МАРКЕТИНГ БОРЛУУЛАЛТЫН ЦӨМ БОЛГОХ ВЭ?
ҮЛ ХӨДЛӨХ ХӨРӨНГИЙН САЛБАРЫНХАНД ЗОРИУЛСАН ШИНЭЛЭГ ВЕБСАЙТЫН ДИЗАЙНЫГ ДООРООС СОНИРХООРОЙ. Вебсайтын зурган дээр дараад тухайн вебсайтаа бодитоор үзэх боломжтой.
Маркетерүүдийн 55% нь блог нийтлэлийг контент маркетингийн тэргүүлэх чиглэл гэж үзэж байгаа төдийгүй глобал зах зээл дээр ажиллаж буй маркетерүүдийн 66% блогыг сошиал маркетенгийнхаа чухал контент гэж үзэж байна.Блог нийтлэл нь ирээдүйн худалдан авагчдын интернэт хайлтын илэрцэд гарч ирэх, тэдний эхний судалгааны шатанд өртөх боломжийг нэмэгдүүлэх чухал ач холбогдолтой байдаг.
Бизнесийн блог нь компаний маркетингийн нэг суваг (яг л сошиал медиа, и-мэйл, сурталчилгааны самбар шиг) юм. Маркетингийн мессеж, контентыг зорилтот хэрэглэгчдэд сонирхолтой, өгөөжтэй байдлаар хүргэх төдийгүй вэб хуудсанд чанартай сайн хандалтуудыг авчирдаг. Бүтээгдэхүүн, үйлчилгээний танилцуулгаас ялгаатай нь хэрэглэгчийн боловсролд илүүтэй зориулагдсан байдаг.
Холбоотой нийтлэл: БИЗНЕСҮҮД ЯАГААД БЛОГ БИЧИХ ХЭРЭГТЭЙ ВЭ?
Чатботоор мэдээлэл хүргэх: Орон сууцны талаар нарийвчласан мэдээлэл, танилцуулга авсан хүмүүст тухайн сонирхож буй сууцны хорооллын ерөнхий зохион байгуулалт, нарны тусгал, тагт террас, барилгад ашигласан материалын чанар, сонголт, автомашины зогсоол, барилгын явц, сүүлийн үеийн мэдээ мэдээлэл гэх мэт дэлгэрэнгүй мэдээллийг мессенжерээр тодорхой дэс дараалалтай илгээх. Хариу үйлдэл үзүүлж буй хэрэглэгчид рүү загварын байраар зочлох мөн уулзалт товлохыг сануулах, товлосон хугацааг нь сануулах гэх мэт байнгын харилцааг чатботоор үүсгэх боломжтой.
Холбоотой нийтлэл: ЧАТБОТЫГ ИЛҮҮ ӨРГӨН ХҮРЭЭНД ХЭРХЭН АШИГЛАХ ВЭ?
Нийтлэлийнхээ оршил хэсэгт борлуулалтруугаа хэрхэн чанартай маркетингийн сэжимүүдийг авчрах вэ? гэдгийг гол агуулгаа болгоно гэсэн байсныг та санаж байгаа байх.
Бид зорилтод худалдан авагчынхаа хэд хэдэн персона буюу дүрийг тодорхойлчихсон, мөн худалдан авах шатыг нь тодорхойлчихсон, тэдэнд худалдан авалтынхаа аль үе шатуудад ямар контентууд үзүүлэхээ төлөвөлчихсөн, ямар ямар сувгуудаар контентуудаа хүргэхээ шийдчихсэн одоо ингээд болсон уу? Үгүй ээ одоо хамгийн чухал шат үлдсэн. Энэ юу вэ гэвэл өмнө нь хийгдсэн энэ үе шаттай бүх маркетингийн ажлуудаас гарч ирсэн чанартай сэжимүүдийг алдалгүйгээр нэг бүрчлэн барьж авах бойжуулах борлуулалтруу хувиргах чухал шат үлдсэн. Үүнийг хэрхэн хийх вэ?
Тэднийг вэб хуудсанд, пэйж хуудсанд, чатботруу хандалт хийх үед түүнд хэрэгтэй, сонирхолтой, үнэ цэнэтэй байж болох контентуудыг (видео, үл хөдлөх хөрөнгийн үнэ болоод өөр бусад судалгаа, үнэ төлбөргүй зөвлөгөө, сүүлийн үеийн ипитокийн мэдээлэл, төслийн мэдээ мэдээлэл г.м.) татаж авахыг санал болгосноор сэжим болгон бүртгэнэ. Санал болгож буй контентыг авахын тулд хэрэглэгч өөрийн нэр, и-мэйл хаяг гэх мэт мэдээллийг оруулснаар сэжим үүсэх юм. Ийм сэжмүүдийг бий болгон маркетингаа үргэлжлүүлэх, улмаар борлуулалт хийх нь бизнест маш чухал юм.
Сэжим бий болгох нь сайн хэрэг хэдий ч, үүсч бий болсон сэжимүүдээ арчилгаа хийх нь маш чухал юм. Сэжмийн арчилгаа хийснээр ямар үр дүнд хүрч болох вэ? Үүнд:
- Сэжмийн арчилгаа хийгдсэн хэрэглэгчид борлуулалтын боломжийг 20% хувиар нэмэгдүүлдэг.
- Үр дүнтэй сэжмийн арчилгаа нь худалдан авалт хийхэд бэлэн сэжмийг 33% хувийн бага зардлаар 50%-с илүү хувиар сэжмийг нэмэгдүүлдэг.
- Сэжмийн арчилгаа хийгдсэн хүмүүс огт сэжмийн арчилгаа хийгдээгүй хүмүүсээс 47% хувиар их худалдан авалт хийдэг.
- Холбоотой и-мэйл нь энгийн түгээсэн и-мэйлээс 18 дахин их орлого олдог.
- Тодорхой салбарт чиглэсэн сэжмийн арчилгааны зорилтот контент нь илүү үнэ цэнэтэй байдаг гэж мэргэжилтнүүдийн 82% нь үздэг байна.
Сэжмийн арчилгаа нь тухайн хэрэглэгч худалдан авалтын замналын аль шатанд байгаагаас шалтгаалан түүнд тохирсон мэдээллээр хангах замаар өөрийн компанийн тодорхой бүтээгдэхүүн, үйлчилгээний тухай /хамгийн найдвартай/ ойлгуулах зорилготой, системтэй үйл явц юм. Өөрөөр хэлбэл сэжмийн арчилгаа нь зорилгодоо хүрэх, ашиг орлогоо нэмэгдүүлэх, худалдан авалтад бэлэн болсон хэрэглэгчдийг татах маркетинг болон борлуулалтын аль алиных нь нэгдсэн тактик гэж ойлгож болно.
Хэрхэн үр дүнтэй сэжмийн арчилгаа хийх вэ?
Үр дүнтэй сэжмийн арчилгаа хийхийн тулд маркетингийн баг болон борлуулалтын багийн аль алины оролцоо чухал. Учир нь борлуулалтын багийнхан маркетингийн багийг бодвол хэрэглэгчидтэйгээ илүү ойр харилцаа холбоо үүсгэдэг тул зорилтот хэрэглэгчдийнхээ талаар мэднэ. Харин маркетингийн баг тэдгээр хүмүүсийг хэрхэн татан оруулах болон ямар шат дараалалтайгаар тэдгээр сэжмүүдтэй холбоо үүсгэх талаар илүү мэдрэмжтэй ханддаг.
- Анзаарах: Сэжмийн арчилгаа нь эхэн үедээ тухайн хэрэглэгчдэд асуудал, боломжуудыг ойлгуулахад анхаардаг.
- Боловсрол олгох: Асуудал боломжыг нь ойлгуулсаны дараа тухайн хэрэглэгчдэд боловсрол олгоход анхаардаг. Үүнийг өөрөөр итгэл төрүүлэх, итгэл олж авах ч гэж нэрлэдэг.
- Мэдээлэл өгөх: Тухайн зорилтот хэрэглэгчдийг илүү сайн шийдвэр гаргахад нь туслах шийдэл, санаачлага өгөх дараа дараагийн үйлдэлд дуудах мэдээллээр хангана.
- Холбоо үүсгэх: Сонирхолд нь нийцэх зүйлийн талаар холбоо тогтоох сэжүүрийг гарган ирээдүйд гаргаж болох шийдвэр рүү татах алхмыг эхлүүлнэ.
- Борлуулалт руу хувиргах: Энэ үед түүнтэй холбоо тогтоон дараа дараагийн алхам борлуулалт руу хувиргах үйл явц руу шилжинэ.
Холбоотой нийтлэл: ИНБАУНД МАРКЕТИНГИЙН СЭЖМИЙН АРЧИЛГАА ТҮҮНИЙГ ХЭРХЭН ХИЙХ ВЭ?
Инбаунд маркетинг нь контент, бизнесийн блог, сошиал медиа постууд, хайлтын системийн оновчлолоор түүний анхаарлыг татна. Ингэснээр вэб хуудсанд зочлон контентуудтай танилцах ба энэ үед дараагийн сонирхолтой контенттой танилцах, татаж авах үйлдэлд дуудагдсанаар (Calls-To-Action буюу CTA) газардах хуудас (Landing Page буюу LP) руу очно. Газардах хуудас нь тухайн контент ямар агуулгатай, яагаад хэрэгтэйг товч тодорхой дүрслэх ба нэр, и-мэйл хаяг, байгууллага гэх мэт талбаруудтай бүртгэлийн хуудсыг бөглөснөөр баярлалаа хуудас (Thank you Page буюу TYP) руу очно. Баярлалаа хуудас нь санал болгож буй контентыг түүнд өгөх ба худалдан авалтын дараагийн замналд дуудах дараагийн контенттой танилцах боломжуудыг өгдөг.
Холбоотой нийтлэл: ХАМГИЙН ОНОВЧТОЙ МАРКЕТИНГ БОЛ “ИНБАУНД МАРКЕТИНГ”
Энэ бүх процессыг CRM системээр автоматжуулж болно.
CRM гэж юу вэ ?
Хэрэглэгчийн тухай мэдээллийн сан үүсгэж хэрэглэгчийн хүсэл сонирхол дээр үндэслэн түргэн шуурхай харилцаж, мөн мэдээлэлд дүн шинжилгээ хийж цаашдын стратегидаа ашиглах зориулалттай интернэтэд суурилсан цогц системийг CRM буюу Хэрэглэгчтэй харилцах менежментийн систем гэнэ.
Холбоотой нийтлэл: БАЙГУУЛЛАГЫН БОРЛУУЛАЛТАД ТУЛГАРДАГ ТҮГЭЭМЭЛ АСУУДЛУУД
Холбоотой нийтлэл: БОРЛУУЛАЛТАА ХЭРХЭН ДЭМЖИХ ВЭ?
5. Үр дүнгээ хэмжих, хянах
Бүх зүйлс бэлэн болсны эцэст хэрэгжүүлэх хамгийн чухал. Үйл ажиллагааг төлөвлөгөөний дагуу гүйцэтгэхээс гадна үр дүнгээ хэмжиж, хяналтыг үргэлж хийх хэрэгтэй. Та тодорхой хугацааны дараа дараах асуултанд хариулан, дүн шинжилгээ хийн засвар өөрчлөлтийн цаг тухайд нь хийгээрэй. Үүнд:
Ямар контент хүмүүс илүү хүрч байна вэ?
Аль төрлийн контентийг хүмүүсд үр дүнтэй хүрч байна вэ?
Аль сошиал суваг үр дүнтэй байна вэ?
Өдрийн аль цагт хүмүүст хүргэж байх вэ?
Аль аль, ямар төрлийн контент уншсан хүмүүс борлуулалтын сэжим болж байна вэ?
Холбоотой нийтлэл: МОНГОЛЧУУДЫН СОШИАЛ МЕДИА ХЭРЭГЛЭЭ
Холбоотой нийтлэл: СОШИАЛ МЕДИА МАРКЕТИНГИЙН ҮЙЛЧИЛГЭЭ
Үл хөдлөх хөрөнгийн салбарт төсөл хэрэгжүүлж байгаа таныг мэргэжлийн маркетингийн багтай хамтран ажиллахыг урьж байна. Бидэнтэй 7211-9211 дугаараар холбогдоорой.
