Жижиг дунд бизнес эрхлэгчид олон сайн бүтээгдэхүүнүүд үйлдвэрлэдэг хэдий ч зорилтод худалдан авагч хэрэглэгчид нь  тэдний  бүтээгдэхүүний талаар сонсоочгүй байх нь элбэг. Бүтээгдэхүүн үйлчилгээнийхээ талаарх мэдээллийг зорилтод хэрэглэгчиддээ хүргэж маркетинг хийх нь тэдний  хамгийн тулгамдсан асуудлуудын нэг бөгөөд манай агентлагаас сошиал медиа дээр хэрхэн бүтээгдэхүүн үйлчилгээнийхээ маркетингийг хийх вэ? Үндсэн бизнесийн ажил их тул яг яавал дээр вэ?” гэж их асуудаг.

Томоохон компаниуд маркетингийн бүхэл бүтэн баг ажиллуулчихна. Харин жижиг бизнес эрхлэгчид өөрсдөө голдуу бүх ажлаа хийдэг бөгөөд ялангуяа эдийн засаг болон ковидтой холбоотой хямралын энэ үед зардлаа хэмнэх талаас нь харахаас биш нэмэх боломж тэдэнд тун тааруухан.

Сошиал медиа нь жижиг дунд бизнесийнхэн, том бизнесүүдтэй хүчтэй өрсөлдөх боломжуудыг бий болгож өгдгөөрөө, олон давуу талтай зөв маркетинг бөгөөд өнөөдөр жижиг, дунд бизнесийнхэн маш бага зардлаар өөрийн нише сегментэд хүрэх маркетинг хийх боломжууд аль хэдийн бий болсон.

Хамгийн эхэнд зорилтод хэрэглэгч тань яг юу хүсэж байна вэ? гэдгийг мэдэх нь жижиг дунд бизнесийнхэний хувьд хамгаас чухал. Ихэнх хүмүүст бодитоор өөрт нь үзүүлэхээс нааш юу хүсэж байгаагаа мэддэггүй. Мөн хүмүүс санал асуулга зах зээлийн судалгаанд оролцохдоо логикоор ханддаг, харин яг бодит худалдан авалт дээр сэтгэл хөдлөлөөрөө үйлдэл хийдэг. Хэрэв та хүмүүсээс люкс зэрэглэлийн үнэтэй машинуудаас сонголт хийх талаар нь асуувал та гол төлөв логик хариултууд авах ба тэд чанар, найдвартай байдал, тав тух гэх мэтийг чухалчилна. Үнэндээ тэдний жинхэнэ хүсэж байгаа зүйл бол статус юм.  Хенри Фордын хэлсэн үг байдаг. “Хэрэв би хүмүүсээс юу хүсэж байгааг нь асуусан бол тэд илүү хурдан морь гэж хариулах байсан.

Ихэнх жижиг дунд бизнесийн сурталчилгаанууд үр дүн муутай байдаг учир нь сурталчилгааны бүтэцдээ Компанийн нэр, Лого, Хамгийн сайн чанар, үйлчилгээ үнэ, холбоо барих гэх мэт мэдээллүүдийг багтаасан байдаг. Энэхүү сурталчилгаанд хэрэгцээ нь үүссэн боломжит хэрэглэгчид хариу үйлдэл хийнэ гэж хүлээдэг. Тохирсон боломжит хэрэглэгч яг тухайн цаг мөчид уг сурталчилгааг үзээд худалдан авалт хийх нь тохиолдолын шинж чанартай. Энэ бол тохиолдолын маркетинг юм.

Одоо маркетингийг зорилготой хийх цаг нь болсон. Маркетингийг зорилготой хийхийн тулд хоёр чухал элементийг мэдэх хэрэгтэй.

• Таны сурталчилгааны зорилго юу вэ?
• Таны сурталчилгаа юуг онцолж байна вэ?

Жижиг дунд бизнесийнхээс сурталчилгааны зорилгыг нь асуухад:

• Брэндинг
• Нэрээ сурталчилах
• Өөрийн бүтээгдэхүүн үйлчилгээгээ танилцуулах
• Борлуулалт хийх
• Бүтээгдэхүүн үйлчилгээг нь асууж холбоо барих гэж мэтээр хариулдаг.

Эдгээр нь бүгд хоорондоо асар их ялгаатай бөгөөд та энэ бүгдийг ганц сурталчилгаанд багтаах боломжгүй юм. Бүх зорилгоо нэг контент дээр төвлөрүүлэх нь зорилгынхоо алинд ч хүргэхгүй. Манай агентлагын хувьд шалгарсан дүрэм бол нэг сурталчилгаанд нэг л зорилго тавих юм. Мэдээж нэг удаагын оролдлогоор маркетингаа төгс зөв хийх нь хэцүү. Туршлагтай маркетерууд ч анхны оролдлогоор алддаг. Хэд хэдэн оролдолгууд хийж үзсэний дараа л хэмжиж байж мэддэг.  Хамгийн сайн маркетинг бол боломжит хэрэглэгчийн асуудлыг танилцуулдаг ба шийдэл нь эцсийн нотолгоо нь болж өгдөг.

Энийг томъёолбол: Та асуудлаа мэдэх үү! Бид шийдэл санал болгоно. Нотолгоо нь энэ байна, гэх юм. Энэ нь инбаунд маркетингийн аргачлал юм.

Инбаунд маркетинг нь боломжит хэрэглэгчдийг контентоор татах, сэжим болгон хувиргах, борлуулах, халамжлах гэсэн үндсэн дөрвөн үе шаттай. Эдгээр үе шатуудад чиглэсэн контент маркетинг хийснээр танихгүй хэрэглэгчийг өөрийн үнэнч хэрэглэгч болгоход чиглэдэг.

Боломжит хэрэглэгчдийг татах. Хэрэглэгчид танайх руу өөрсдөө ирж болно. Хэрэгтэй, сонирхолтой контент бүтээн зорилтот хэрэглэгчиддээ зөв цаг үед хүргэснээр тэдний анхаарлыг татаарай. Чухам хэн танай хамгийн төгс худалдан авагч болохыг мөн тулгардаг асуудлуудыг олж тодорхойлсноор тэдний чухам хайж буй үнэ цэнэтэй контентыг нь бүтээж болно. Өөрөөр хэлбэл тулгарч буй асуудлуудыг нь хөндсөн төдийгүй шийдлийг ойлгуулсан контент гэсэн үг. Хүмүүст хэрэгтэй сайн контент вэб хуудсанд органик хайлтын урсгал татдаг. Бизнесийн блог, сошиал медиа, и-мэйл зэрэг олон төрлийн сувгуудаар контентоо түгээснээр нь зорилтот хэрэглэгчдээ татна.

Сэжим бүртгэх. Боломжит хэрэглэгчид вэб хуудсанд хандалт хийх үед түүнд хэрэгтэй, сонирхолтой, үнэ цэнэтэй байж болох контентыг (цахим ном, сэтгүүл, видео хичээл, судалгаа, үнэ төлбөргүй зөвлөгөө, г.м.) татаж авахыг санал болгосноор сэжим болгон бүртгэнэ. Санал болгож буй контентын авахын тулд хэрэглэгч өөрийн нэр, и-мэйл хаяг гэх мэт мэдээллийг оруулснаар сэжим үүснэ.

Борлуулах. Худалдан авалтын судалгаанд хэрэгтэй контентыг хүргэх замаар сэжмийн арчилгаа хийснээр худалдан авалтын шийдвэр гаргахад бэлтгэн улмаар амжилттай борлуулалт хийснээр өөрийн хэрэглэгчээ болгоно. Орчин үед хэрэглэгчид эхлээд өөрийн хэрэгцээ шаардлагаа ойлгох, дараа нь шийдлүүдийг хайх, эцэст нь бүтээгдэхүүн үйлчилгээний сонголтуудыг судлаж үзээд шийдвэрийнхээ дийлэнх хувийг борлуулалтын ажилтан, худалдагчтай уулзахаас өмнө гаргадаг болсон. Энэхүү худалдан авалтын замналд хийх судалгаанд хэрэгтэй контентуудыг бүтээн хүргэж худалдан авалтын шийдвэр гаргахад нь бэлтгэхийг сэжмийн арчилгаа гэнэ.

Халамжлах. Бүтээгдэхүүн, үйлчилгээгээ амжилттай борлуулах дангаараа хангалтгүй. Судалгаагаар хуучин хэрэглэгчид шинэ хэрэглэгчдээс даруй 67%-аар илүү өндөр ахиуц ашгийг авчирдаг. Хэрэглэгчидтэйгээ байнгын харилцаа, холбоотой байж, бүтээгдэхүүн, үйлчилгээг хэрэглэхэд бий болж туршлагад анхаарах, хэрэглэгчдийн санал сэтгэгдлийг нь сонсох, судлах, хэрэгтэй мэдээлэл, контентуудыг хүргэснээр дараа, дараагийн дахин худалдан авалтуудыг хийдэг төдийгүй бүтээгдэхүүн, үйлчилгээний тухай мэдээ, мэдээллийг найз нөхөддөө хүргэж, түгээж, зөвлөж байдаг брэнд эванжелистуудыг бий болгодог. 

Бид инбаунд маркетинг хийхдээ боломжит худалдан авагчийн зохиомол дүр буюу Худалдан авагчийн персонаг гаргаж, түүндээ зориулсан зорилготой контент үйлдвэрлэдэг.

Яагаад Худалдан авагчийн персона гаргах хэрэгтэй вэ?

Харанхуй таамгаар ямар нэгэн мэдээлэл өгөхөөс илүүтэйгээр, хэнд хандаж буйгаа тодорхойлсон мэдээлэл нь илүү үр дүнтэй, зорилготой байж чаддаг.

Боломжит худалдан авагчийн Персона буюу зураглал гэж юу вэ?

Хүмүүсийг хүн ам зүйн мэдээлэл, зан чанарын болон сэдэлжих байдлын төсөөтэй чанар, зорилгоор нь бүлэглэн үзэх боломжтой. Хувь хүмүүс хоорондоо ялгаатай ч худалдан авалт хийхдээ эдгээр үзүүлэлтээрээ төсөөтэй байдаг бөгөөд тухайн төсөөт бүлэг хүрээ ижил үг хэллэг хэрэглэх, зорилгынхоо хүрээнд ижил зан үйлийн тогтолцоотой болсон байдаг.

Тиймээс бид ямар нэг маркетингийн мэдээлэл хүргэхийнхээ өмнө заавал ХЭНД гэдгээ маш сайн тодорхойлон гаргах хэрэгтэй. Персона гаргах гэдэг нь үүнийг хэлж байгаа хэрэг.

Боломжит худалдан авагчийн персонаг гаргаснаар маркетингийнхны хувьд юун дээр илүү төвлөрөх, ямар үг хэллэг түлхүү ашиглах зэргээр ажлаа илүү хөнгөвчилж, илүү ойлгомжтой болгоод зогсохгүй, ХЭНД гэдгээ маш сайн ойлгосон учир үр дүнтэй байж чадна.

Өөрөөр хэлбэл Худалдан авагчийн персона нарийвчлан гаргаснаар илүү үнэ цэнтэй хэрэглэгчийг татаж, тэдэнд хүрч, нөхцөл байдалд тохирсон мэдээлэл хүргэх боломж бүрддэг.

Персонаагаа хэрхэн гаргах вэ?

Ямар ч байгууллагын хувьд зөвхөн нэг персона гаргах нь тийм ч хангалттай байж чадахгүй. Учир нь хэрэглэгчид хоорондоо төсөөтэй байж болох ч яг ижилхэн байдаггүй шүү дээ. Хэсэг бүлэг хүрээг төлөөлж чадах персонаг гарга. Худалдан авагчынхаа хэд хэдэн персонаг гаргасныхаа дараа худалдан авалт ямар үе шатуудаар дамжих вэ гэдгийг тодорхойлох хэрэгтэй. Үүний тулд худалдан авалтын замналыг гаргах хэрэгтэй.

Худалдан авалтын замнал гэж юу вэ?

Хүмүүс ямар нэг бүтээгдэхүүн үйлчилгээг худалдан авахдаа тухайн бүтээгдэхүүн өөрт ямар хэрэгтэй, яагаад худалдан авалт хийх ёстойгоо ухамсарлаж, бүтээгдэхүүн үйлчилгээний талаар судалгаа хийсний дараагаар худалдан авалт хийх эсэхээ шийддэг. Худалдан авалт хийхэд тухайн хүний зорилгоос эхлээд, сэтгэл хөдлөл, мэдрэмж, амьдралын хэмнэл, зан үйлийн онцлог гээд маш олон зүйл нөлөөлдөг байна.

Мэдээлэл тоо томшгүй урсгал бүхий сошиал медиа орчинд хэрэглэгчийн 67% нь худалдан авалт хийхийн өмнө тухайн бүтээгдэхүүн үйлчилгээний талаар мэдээллийг онлайнаар авсан байдаг бөгөөд хамгийн үнэ цэнтэй мэдээлэл өгч, бүтээгдэхүүн, үйлчилгээ нь итгэл төрүүлэн, харилцаа холбоо үүсгэж чадсаныг нь сонгодог байна. Мөн түүнчлэн худалдан авагчийн хувьд маркетингийн 7-ийн дүрэм буюу ядаж 7 удаа танайхтай харилцаа холбоо үүсгэж, бүтээгдэхүүн, үйлчилгээний талаарх мэдээллийг авсаны дараа сонголтоо хийдэг гэсэн судалгаа байдаг.

Маркетинг гэдэг хэзээд зөв цагт, зөв хүнд, зөв мэдээлэл хүргэж бүтээгдэхүүн үйлчилгээ зарж борлуулах үйл явц байсан. Одоо ч хэвээрээ. Зөв хүнд гэдэгт хэнд гэдгээ маркетингийн үүднээс дэлгэрэнгүй ойлгож, маркетингийн персона гаргах тухай хөндөгддөг бол зөв цагт зөв мэдээлэл хүргэнэ гэдэг худалдан авагчийн замналын үйл явцтай холбогддог.

Персона болон худалдан авагчийн замналын аргачлалуудыг контент маркетингдаа ашигласнаар манай зорилтот хэрэглэгч өөрийн хүсэл сонирхлоор бидний зорилготойтойгоор хөгжүүлсэн контентуудыг үзэж харж, уншиж танилцана гэсэн үг.

Бидний хамгийн түгээмэл гаргадаг нэгэн алдаа бол бид бүтээгдэхүүн, үйлчилгээтэй холбоотой мэдээлэл, контент, маркетингийн мессежүүдийг л хүмүүст хүргэхэд түлхүү анхаардагт оршино. Энэ нь илүү бүтээгдэхүүн төвтэй маркетинг, харин бид хэрэглэгчиддээ асуудлаа олж хараад дараа нь өөрт нь илүү зөв шийдлүүдийг олоход туслах контентуудыг бүтээн хүргэснээр бүтээгдэхүүн, үйлчилгээнийхээ үнэ цэнийг бүрэн дүүрэн ойлгуулан илүү борлуулалт хийх боломжтой.

Холбоотой мэдээ: ЗОРИЛТОТ ХЭРЭГЛЭГЧДИЙН ПЕРСОНА БОЛОН ХУДАЛДАН АВАЛТЫН ЗАМНАЛ ГЭЖ ЮУ ВЭ?

 

Сэжим гэж юу вэ? Түүнийг хэрхэн бүртгэж авах вэ?

Танай бүтээгдэхүүн үйлчилгээг ирээдүйд худалдан авах боломжтой хэрэглэгчийг хэлэх бөгөөд тэднийг вэб хуудсанд хандалт хийх үед түүнд хэрэгтэй, сонирхолтой, үнэ цэнэтэй байж болох контентыг (цахим ном, сэтгүүл, видео хичээл, судалгаа, үнэ төлбөргүй зөвлөгөө, г.м.) татаж авахыг санал болгосноор сэжим болгон бүртгэнэ. Санал болгож буй контентыг авахын тулд хэрэглэгч өөрийн нэр, и-мэйл хаяг гэх мэт мэдээллийг оруулснаар сэжим үүсэх юм. Ийм сэжмүүдийг бий болгон маркетингаа үргэлжлүүлэх, улмаар борлуулалт хийх нь бизнест маш чухал юм. Сэжим бий болгох нь сайн хэрэг хэдий ч, үүсч бий болсон сэжимүүдээ арчилгаа хийх нь маш чухал юм. Сэжмийн арчилгаа хийснээр ямар үр дүнд хүрч болох вэ? Үүнд:

• Сэжмийн арчилгаа хийгдсэн хэрэглэгчид борлуулалтын боломжийг 20% хувиар нэмэгдүүлдэг.
• Үр дүнтэй сэжмийн арчилгаа нь худалдан авалт хийхэд бэлэн сэжмийг 33% хувийн бага зардлаар 50%-с илүү хувиар сэжмийг нэмэгдүүлдэг.
• Сэжмийн арчилгаа хийгдсэн хүмүүс огт сэжмийн арчилгаа хийгдээгүй хүмүүсээс 47% хувиар их худалдан авалт хийдэг.
• Холбоотой и-мэйл нь энгийн түгээсэн и-мэйлээс 18 дахин их орлого олдог.
• Тодорхой салбарт чиглэсэн сэжмийн арчилгааны зорилтот контент нь илүү үнэ цэнэтэй байдаг гэж мэргэжилтнүүдийн 82% нь хэлсэн байна.

Сэжмийн арчилгаа нь тухайн хэрэглэгч худалдан авалтын замналын аль шатанд байгаагаас шалтгаалан түүнд тохирсон мэдээллээр хангах замаар өөрийн компанийн тодорхой бүтээгдэхүүн, үйлчилгээний тухай /хамгийн найдвартай/ ойлгуулах зорилготой, системтэй үйл явц юм. Өөрөөр хэлбэл сэжмийн арчилгаа нь зорилгодоо хүрэх, ашиг орлогоо нэмэгдүүлэх, худалдан авалтад бэлэн болсон хэрэглэгчдийг татах маркетинг болон борлуулалтын аль алиных нь нэгдсэн тактик гэж ойлгож болно.

Хэрхэн үр дүнтэй сэжмийн арчилгаа хийх вэ?

Үр дүнтэй сэжмийн арчилгаа хийхийн тулд маркетингийн баг болон борлуулалтын багийн аль алины оролцоо чухал. Учир нь борлуулалтын багийнхан маркетингийн багийг бодвол хэрэглэгчидтэйгээ илүү ойр харилцаа холбоо үүсгэдэг тул зорилтот хэрэглэгчдийнхээ талаар мэднэ. Харин маркетингийн баг тэдгээр хүмүүсийг хэрхэн татан оруулах болон ямар шат дараалалтайгаар тэдгээр сэжмүүдтэй холбоо үүсгэх талаар илүү мэдрэмжтэй ханддаг.

• Анзаарах: Сэжмийн арчилгаа нь эхэн үедээ тухайн хэрэглэгчдэд асуудал, боломжуудыг ойлгуулахад анхаардаг.
• Боловсрол олгох: Асуудал боломжыг нь ойлгуулсаны дараа тухайн хэрэглэгчдэд боловсрол олгоход анхаардаг. Үүнийг өөрөөр итгэл төрүүлэх, итгэл олж авах ч гэж нэрлэдэг.
• Мэдээлэл өгөх: Тухайн зорилтот хэрэглэгчдийг илүү сайн шийдвэр гаргахад нь туслах шийдэл, санаачлага өгөх дараа дараагийн үйлдэлд дуудах мэдээллээр хангана.
• Холбоо үүсгэх: Сонирхолд нь нийцэх зүйлийн талаар холбоо тогтоох сэжүүрийг гарган ирээдүйд гаргаж болох шийдвэр рүү татах алхмыг эхлүүлнэ.
• Борлуулалт руу хувиргах: Энэ үед түүнтэй холбоо тогтоон дараа дараагийн алхам борлуулалт руу хувиргах үйл явц руу шилжинэ.

Эдгээр шатлалын дагуу арчилгаа хийхийн тулд Персона болон худалдан авалтын замнал мөн холоо хамаарал бүхий контентыг төлөвлөсөн байх хэрэгтэй.

Холбоотой мэдээ: ИНБАУНД МАРКЕТИНГИЙН СЭЖМИЙН АРЧИЛГАА ТҮҮНИЙГ ХЭРХЭН ХИЙХ ВЭ?

 

Холбоо хамаарал бүхий контент

Худалдан авалтын замнал тодорхой болсон бол дээр өгүүлсний дагуу “Боловсрол олгох, мэдээлэл өгөх, холбоо үүсгэх, борлуулалт руу хувиргах” төрлийн холбоо хамаарал бүхий контентуудаа тодорхойлно. Гэхдээ сэжим бүр ялгаатай дөнгөж танай байгууллагын талаар сонсож байгаа болон өнөөдөр ч  худалдан авалтын шийдвэрээ гаргах боломжтой сэжмийн хооронд асар том ялгаа бий. Үүний тулд дараах асуултад хариулах хэрэгтэй.

• Аль шатанд байгаа хүнд ямар мэдээлэл өгөх вэ?
• Манай контентуудад хоорондын холбоо хамаарал байна уу?
• Эдгээр контентууд хэрэглэгчийн худалдан авалтын замналыг удирдахад хангалттай юу?

Үүнд нэг анхаарах ёстой зүйл бол байгууллага бүр ялгаатай хэд хэдэн персонатай байж болох ба үүнийгээ дагаад ялгаатай худалдан авалтын замнал байж болно. Иймд зөвхөн нэг сэжмийн арчилгааны дагуу бүх хэрэглэгчдээ арчлах нь учир дутагдалтай. Иймээс персона бүрд тохирсон холбоо хамаарал бүхий контент байх шаардлагатай.

Холбоотой мэдээ: BUSINESS TO BUSINESS БА BUSINESS TO CONSUMER БАЙГУУЛЛАГУУДЫН КОНТЕНТ МАРКЕТИНГИЙН ЯЛГАА

Сэжмийн арчилгааны автоматжуулалт

Персона болон түүний худалдан авалтын замналыг тодорхойлчихсон. Мөн холбоо хамаарал бүхий контентын зураглалаа гарган, хэзээ аль контентыг хүргэх нь шийдэгдсэн учир үүнийг ажил хэрэг болгох сэжмийн арчилгааны автоматжуулалт руу хувиргах үлдлээ. Автоматжуулалтаа хийж эхлэхийн өмнө дараах асуултад хариулсан байх нь тохиромжтой.

• Дараа дараагийн холбоо хамааралтай контентыг хэзээ, ямар давтамжтай илгээх вэ?
• Хэрхэн бүтээгдэхүүн, үйлчилгээтэй холбоотой зүйлсийг хүргэх вэ?
• Хэзээ хэрэглэгчийг борлуулалтад бэлэн болсон гэж үзэх вэ?

Тухайн байгууллагын талаар сонирхсон хүмүүсийн 73% нь худалдан авалтад бэлэн байдаггүй бөгөөд үр дүнтэй хийгдсэн сэжмийн арчилгаа нь борлуулалтын боломжийг 20%-иос багагүй хувиар нэмэгдүүлдэг. Дижитал шийдэл сонголт биш заавал хийх зүйл болж байгаа энэ цаг үед  танд борлуулалтын шинэ боломжуудыг авчрах болно.

Контент төлөвлөлт:

Контент маркетинг хөгжүүлэхэд байгууллагын үйл ажиллагааны чиглэл Business-To-Business эсвэл Business-To-Consumer байна уу? тийм ч чухал биш. Ямар ч төрлийн бизнесийн байгууллага контент маркетинг хэрэгжүүлэх боломжтой.

Гэхдээ B2B ба B2C бизнесүүдийн зорилтот хэрэглэгчид ялгаатай учир контент төлөвлөлт, агуулга, формат, түгээх сувгуудын хувьд тодорхой ялгаатай. Иймд салбар, чиглэлийн онцлогоос шалтгаалан ямар контент зорилтот хэрэглэгчдэд амжилттай хүрч чадах бол? Ямар  төрлийн формат илүү ашиглах хэрэгтэй вэ? Аль сувгуудаар дамжуулан тэдэнд хүрч болох вэ? гэдгийг оновчтой хийснээр контент маркетинг үр өгөөжөө өгөх болно

Төлөвлөлтийн ялгаа

B2B байгууллагын бүтээгдэхүүн, үйлчилгээ олон удаагийн шат дараатай маркетингийн болон борлуулалтын харилцаа шаардах нь түгээмэл. Бүтээгдэхүүн нь нэг хараад, үзээд ойлгоод мэдчих боломжгүй байх нь элбэгтэй холбоотой. Шийдвэр гаргалтад олон хүн оролцож, шийдлийн болон үнийн харьцуулалт, танилцуулга болон хэлэлцээрийн уулзалтууд хийгддэг. Иймд маркетингийн контентын төлөвлөгөө илүү олон шаттай, илүү урт хугацаанд хэрэгжихээр хийгдэнэ. Хэд хэдэн шаттай, төвөгтэй төлөвлөлт хэдий уг замналаар дамжиж орж ирсэн хэрэглэгч өөрийн байгууллагадаа яагаад CRM хэрэгтэйг, ямар асуудлыг нь шийдэж болох талаар нэлээдгүй ойлголттой болчихсон ирэх тул чанартай сэжим байж чадна, борлуулалт амжилттай хийгдэх хувь ч өсдөг.

Харин  B2C байгууллагуудын бүтээгдэхүүн илүү энгийн, ойлгоход хялбар байдаг тул цөөн шаттай контент маркетинг хийх бүрэн боломжтой. Жишээ нь шар буурцагаар хоол хийх жорын контентыг үзэж танилцсан хэрэглэгчдэд шар буурцагын сурталчилгааг хүргэх нь худалдан авалт хийлгэхэд хангалттай байж болно.

Агуулгын ялгаа

Дээр дурдсанаар B2B компанийн бүтээгдэхүүн, үйлчилгээний худалдан авалтын процесс төвөгтэй тул маркетингийн контентын агуулга ч илүү нарийн төвөгтэй, боломжит функцүүд, шийдлүүдэд төвлөрсөн байдаг. Учир нь B2B худалдан авалтын шийдвэр гаргалтанд логик харьцуулалт, рациональ сэтгэлгээ илүү нөлөөдөг.

B2C худалдан авалтын процесст мэдээж хэрэглэгч үнэ болон үзүүлэлт харах хэдий ч шийдвэр гаргалтад брэндийн танигдах болон таалагдах байдал, хоногшилт, итгэл, хэрэглэсэн бодит түүх, хувь хүний үзэмж, мэдрэмж зэрэг нь хүчтэй нөлөөлдөг. Худалдан авалтын замнал нь харьцангуй богино тул агуулга илүү энгийн, товч, тодорхой, ойлгомжтой байх нь зүйтэй.

Гэхдээ эрүүл мэнд, үл хөдлөх гэх мэт илүү худалдан авалтын процесс удаантай буюу функционалаар шийдвэр гаргадаг олон үе шат, урт хугацаа шаарддаг бизнесүүд ч бийг бүү мартаарай.

Контентын хэлбэр, форматын ялгаа

B2C бизнесүүд хэрэглэгчийн анхаарлыг татах, шууд хараад мэдээллээ авч чадах боломжтой, энгийн контентын төрлийг сонгоно. Богино видео, фото зураг, постер, инфографик, богино нийтлэл, хөдөлгөөнт зураг, FB Live буюу шууд нэвтрүүлэг ч үр дүнтэй байж болох юм.

Уралдаан, таавар, сонжоо, челленж зэрэг сошиал медиа кампанит ажлууд ч B2C-д үр дүнтэй. Фэйсбүүк, инстаграм, мессенжер бүгд л стори буюу богино фото болон видео түүхүүд үүсгэж, ялангуяа залуу хүмүүс идэвхтэй хэрэглэх болсныг B2C бизнесүүд ашиглах нь үр дүнтэй байж чадна.

Харин B2B контент маркетинг нь бүтээгдэхүүнийхээ үнэ цэнэ, боломж, шийдэл, технологи, инноваци, салбарын манлайллаа таниулах зорилготой.

Түгээлтийн ялгаа

B2C байгууллагуудын контентоо түгээх сувгууд илүү өргөн боломжтой. Сошиал медиад гэхэд фэйсбүүк, твиттер, инстаграм, ютүб, снапчат, пинтерест гээд боломжит олон сувгууд бий. Мөн зорилтот хэрэглэгчдийнхээ байнга зочилдог мэдээллийн сайтуудаар ч контентоо хүргэх боломжтой. Харилцааны маркетинг, чатбот сүүлийн жилүүдэд тун эрчимтэй хөгжиж буйтай холбоотойгоор мессенжер ч контентоо хүргэх тун үр дүнтэй суваг болж гарч ирж байна.

Онлайн сурталчилгаа (Facebook Ads, Twitter Ads, Google AdWords, гэх мэт) харьцангуй хямд, хэрэглэхэд хялбар болсон тул маркетингийн контентоо сурталчилгаагаар идэвхжүүлэх нь түгээмэл практик болсон. B2C байгууллагууд өөрийн вэб сайтад зөвлөгөө, мэдээллийн булангууд үүсгэн хэрэглэгчдэд хэрэгтэй контентуудыг байршуулах болсон. Мөн хэрэглэгч өөртөө хэрэгтэй мэдээллээ хайсаар буй тул Google хайлтын системд өөрийн контентуудыг оновчлох нь үр дүнтэй байж болно.

B2B байгууллагын хувьд дээрх сувгууд бүгд ашиглагдах боломжтой хэдий ч илүү нарийн сонголт хийх нь зүйтэй. Жишээ нь зарим B2B бизнесүүд инстаграм дээр байрших шаардлага харьцангуй багатай байж болно. Харин Линкедин бүх л B2B бизнесүүдийн хувьд үр дүнтэй суваг мөн. И-мэйл маркетинг, вэб маркетинг, блог маркетинг B2C бизнест ч үр дүнтэй ашиглагдаж болох боловч B2B бизнесүүдэд бүр илүү өндөр үр өгөөжтэй.

Онлайн сурталчилгааны хувьд B2B бизнесийн бүтээгдэхүүн үйлчилгээ маш нарийн сегментэд зориулсан байдаг тул сурталчилгааны нарийн чиглүүлэлтийн боломжуудыг заавал ашиглаарай. Хэрвээ харилцагчдын мэдээллийн сан CRM системтэй бол и-мэйл хаяг, утасны дугаарыг ашиглан фэйсбүүк дээр custom audience буюу зорилтот бүлэг үүсгэн сурталчилгаа хийн контентоо хүргэж болно. Мөн вэб сайтын хандалтаар, пэйжийн хандалтаар, видео үзэлтээр дахин чиглүүлэх аргуудыг заавал хэрэглэх хэрэгтэй.

Манай маркетингийн агентлаг харилцагч компаниуддаа дээрх аргачлалуудыг ашигласнаар тэдний борлуулалтын орлого дунджаар 20 орчим хувиар өсдөг.

Танайд тулгамдаж байгаа маркетингийн асуудлууд байна уу? Та яг одоо 7211-9211 дугаарт залгаж бидэнтэй холбогдоод уулзалт товлож, үнэ төлбөргүй зөвлөгөө мэдээлэл аваарай.