Олон янзын саналуудыг хэрэглэгчдэдээ тавь:

Өсөлттэй бизнесүүдийн нийтлэг зүйл нь тэд маркетинг дээрээ маш сайн төвлөрч олон янзын саналуудыг хэрэглэгчдэд тавьдаг. Зарим саналууд нь бүтэлгүй болж дуусдаг бол зарим нь хэрэглэгчээ онодог. Тэд бүтэлгүй оролдлогуудаа дарах гэж олон оновчтой оролдлого хийх шаардлагагүй байдаг. Яагаад гэвэл санал бүрээ бага зардалтайгаар жижиг зах зээл дээр туршичихдагт байгаа юм. Олон санал тавьсанаар ямар санал амжилттай болох талаар мэдрэмж сайтай болж эхэлдэг бөгөөд хандлагуудыг хялбарханаар тодорхойлж, шинжлэх ухаанчаар жижиг туршилтууд хийж, зах зээлийн хариу үйлдлийг хэмждэг байх хэрэгтэй.

Бүтээгдэхүүн үйлчилгээгээ байршуул:

Дэлхийн түвшиний хийлч хэр зэрэг ихийг олдог вэ? Энэ бол тэрээр зах зээлд хэрхэн өөрийгөө гаргахаас шалтгаална.  Та Joshua bell гэж хүнийг мэдэх үү! Тэр бол дэлхийн хамгийн сайн хөгжимчдийн нэг.  Тэр дэлхий даяар үй түмэн үзэгчдийн өмнө тоглодог бөгөөд минутанд л 1000$ хүртэл олдог. Түүний тоглодог хийл 1713 онд хийгдсэн Страдиварийн хийл бөгөөд үнэлгээ нь 3,5 сая доллар юм. Энэхүү онцгой Страдиварийн хийл нь бараг 300 жилийн настай ба урьд хожид хийгдсэн хамгийн сайн дуугаралттай хийл хэмээн тооцогддог. Тиймээс дэлхийн хамгийн сайн дуугарлттай хийлээр тоглодог дэлхийн хамгийн сайн хөгжимчин. Тэр карьерийнхаа оргил үед байхад нь Washington Post сонины газар түүнийг нэгэн нийгмийн туршилтанд орохыг хүсжээ.  Тэд түүнийг олон мянган хүмүүс алхаж өнгөрдөг нэгэн метроны буудал дээр 1 цагийн турш тоглохыг хүссэн байна. 2007 оны 1р сарын 12ны өглөө Белл хөгжмийнхөө хайрцгийг нээлттэй орхиод янз бүрийн классик аянуудыг тоглосон юм. Тэрхүү 3,5 сая $ үнэтэй хөгжмийн зэмсэгээр дэлхийн хамгийн шилдэг хийлч тоглоод нэг цагийн дотор хэдийг олсон гэж та бодож байна. 32$.

Хэдхэн хоногийн өмнө Бостон хотын концертын танхимд тэрээр тоглолт хийчихсэн байлаа. Энэ тоглолтыг үзсэн хүмүүс  багадаа л 100$ түүнээс дээш үнэ төлсөн байв. Тус тоглолтоор тэр нэг цагт 60000$ олсон. Юу ингэж хэт ялгааг үүсгэв? Нэг үгээр тодорхойлбол байршилт. Хэрэв та мэргэжлийн хөгжимчин байгаад та өөрийгөө метроны хөгжимчин гэж байршуулах юм бол таны үйлчлүүлэгчид танд тэр жишгээр л төлнө. Нөгөө талаас хэрэв та өөрийгөө мэргэжлийн концертын хөгжимчин гэж байршуулбал та шал өөр хэрэглэгчдийг татах ба мөн л тэр жишгээр төлбөр авна. Өөрөөр хэлбэл, хүмүүс ерөнхийдөө танай бүтээгдэхүүн үйлчилгээг хэрхэн байршуулсанаар чинь хүлээж авдаг.

Уригдсан зочин шиг бай:

Таны дотны найз чинь хаалгийг чинь тогшвол та яаж хүлээн авдаг вэ? Оройн хоолоо идэж байхад эсвэл гэр бүлийнхэнтэйгээ  цаг өнгөрөөж байхад чинь саад болоод хэн нэгэн танихгүй хүн борлуулалт хийхээр хаалгийг чинь тогшвол та яаж хүлээн авах вэ? Ялгаа нь юу байх вэ? Эхнийхийг нь бол уригдсан зочин шиг байдалтай угтана, та түүнтэй сайн харилцаатай. Дараахийг нь бол яршигтай этгээд гэж үзнэ. Та түүнийг хэн гэдэг, хаанаас ирснийг мэдэхгүй бөгөөд ихэвчлэн түүний зарж буй зүйл танд хэрэгцээгүй, та сонирхохгүй байх.

Уригдсан зочин таны амьдралд үнэ цэнэ авчирч өгдөг бол яршигтай борлуулагч зүгээр л танд саад болж танаас авах гэж оролдоно. Таны боломжит хэрэглэгч таныг дэлгэсэн гартай угтаж аваад таны зарж буй зүйлийг үнэн сэтгэлээсээ сонирхвол борлуулалт хийх нь хамаагүй амархан болно.

Ихэнх бизнесүүд эхлээд итгэл үүсгээгүй байж борлуулах гэж оролддог. Тэд гэнэтийн утасны дуудлага хийх эсвэл ажиллахгүй хоцрогдсон аргаар сурталчилгаа хийдэг. Асуудал нь та өөрийгөө хэн гэж, юу хийдэг талаараа мэдүүлээгүй байж хэрэглэгчийг шийдвэр гаргахыг асууж байгаад байна. Тэд таныг мэдэхгүй, танд дургүй одоогоор итгэж амжаагүй байна. Та сурталчилгаа цацаад хүмүүс танайхруу залгахад бүтээгдэхүүн үйлчилгээгээ тайлбарлах эсвэл “цаг товлоод очоод уулзая” гэж хариуллаа гэж үзье.  Энэ үе шатанд олон борлуулагч “найдвар” тавьдаг. Найдвар нь хэн нэгэн боломжит хэрэглэгч худалдан авах гээгүй боловч сонирхолоо илэрхийлэх болгонд л эерэг хүлээлттэй болдог. Таны боломжит хэрэглэгч “Та бүтээгдэхүүнээ нэмж танилцуулаач” “Надад үнийн санал явуулаач” “Надад нэмэлт мэдээлэл явуулаач” гэж хэлэх тоолонд энэ найдвар идэвхжидэг. Хэн нэгэн танайхруу залгаад танайхыг юу санал болгож байгааг сонирхонгуут л та үүнийг дараагийн борлуулалт гэж яаран догдолдог. Дараа нь хэдэн өдрөөр, хэдэн долоо хоногоор түүний араас үргэлжлүүлэн хөөцөлдсөний хойно та түүнээс ямар ч хариу үйлдэл хүлээн авахгүй. Та хэд хэдэн сайхан яриа хийсэн, тэд таны санал болгож буй зүйлд сонирхолоо илэрхийлсэн ч дараа нь гэнэт зогсчихдог. Та нэг хоёр удаа дахин дуудлага хийж үзнэ. Та эргэж холбогдож  и-мэйл хүртэл бичнэ, хариу байхгүй. Тэд зүгээр л таг болчихно. Боломжит харилцагч танд итгэхгүй байгаа учраас танай бүтээгдэхүүн үйлчилгээг авахгүй байна.

Үүний оронд та сурга, сурга, сурга, гэсэн моделд орох хэрэгтэй. Боловсрол олгосноор та итгэлийг бий болгоно. Боловсролоор дамжуулж та бүтээгдэхүүн үйлчилгээгээ хамгийн сайн нь гэж байршуулна. Боловсролоор дамжуулж та харилцааг бүтээнэ. Боловсролоор дамжуулж та борлуулалтын процессийг худалдагч, худалдан авагч аль алинд нь илүү амархан болно. Та шууд л борлуулалт хийх гэж оролдохоос илүү эхлээд хэрэглэгчдийн асуудалтай холбоотой ямар нэг үнэ цэнэтэй боловсрол олгох зүйлийг санал болго. Та шууд борлуулалтаа болиод  сургаж, зөвлөж эхлэх хэрэгтэй. Боломжит хэрэглэгч нарт таны бараа үйлчилгээ ямар ач тустай бөгөөд өрсөлдөгч бүрийн саналтай харьцуулахад ямар байгаа талаар мэдүүл.

Холбоотой мэдээ: БИЗНЕСҮҮД ЯАГААД БЛОГ БИЧИХ ХЭРЭГТЭЙ ВЭ?

Холбоотой мэдээ: БИЗНЕСҮҮД ЯАГААД ВЕБСАЙТТАЙ БОЛОХ ХЭРЭГТЭЙ ВЭ? ВЕБСАЙТАА ХЭРХЭН МАРКЕТИНГ БОРЛУУЛАЛТЫН ЦӨМ БОЛГОХ ВЭ?

Холбоотой мэдээ: ХАМГИЙН ОНОВЧТОЙ МАРКЕТИНГ БОЛ “ИНБАУНД МАРКЕТИНГ”

Холбоотой мэдээ: ЗОРИЛТОТ ХЭРЭГЛЭГЧДИЙН ПЕРСОНА БОЛОН ХУДАЛДАН АВАЛТЫН ЗАМНАЛ ГЭЖ ЮУ ВЭ?

Холбоотой мэдээ: СЭЖМИЙН АМЬДРАЛЫН МӨЧЛӨГӨӨР БОРЛУУЛАЛТАА ӨСГӨХ НЬ

Танайд тулгамдаж байгаа маркетингийн асуудлууд байна уу? Та яг одоо 7211-9211 дугаарт залгаж бидэнтэй холбогдоод уулзалт товлож, үнэ төлбөргүй зөвлөгөө мэдээлэл аваарай.