Та өөрийгөө анчин гэж төсөөл. Өглөө босоод зэвсгээ аваад андаа гарлаа гэж бодъё. Зарим өдөр та олз омогтой харин зарим өдөр ганзага хоосон. Амжилттай ан хийх нь тэр өдрийн тэнгэр мэднэ.

Харин одоо та өөрийгөө фермер гэж төсөөл. Та үр тариад ургацаа авах хүртэлээ хүлээнэ. Тэр зуур та түүнийгээ арчилж, усалж ургуулна. Цаг нь болмогц та ургацаа хурааж эхэлнэ. Өөрийн туршлагаас дүгнэхэд, ихэнх бизнесүүд фермерүүд гэхээсээ илүү анчид шинж чанартай байдаг.

• Тэд шинэ харилцагчидруу “хүйтэн” утасны дуудлага буюу cold call шууд хийдэг.
• Шинэ харилцагч олохын тулд тэд маш их мөнгө, хүч зарцуулдаг, аль болох хурдхан борлуулалт хийхийн тулд шаардлагатай бүхнийг хийдэг.
• Тэдний сурталчилгаа аргаа барсан шинж чанартай бөгөөд аль болох хямдрал үзүүлж, үнээр өрсөлдөж хурдхан борлуулалт хийхээр яаравчилдаг.
• Сонирхолгүй байгаа хүмүүсийг ятгахын тулд их цаг заваа дэмий үрдэг.

Ихэнх бизнес эрхлэгчид тэдний маркетингийн ард ямар зорилго байгааг төдийлөн ухаардаггүй. Тэд зүгээр л сурталчилгаандаа нэр, логогоо сайхнаар байршуулаад салбарынхаа шилдэг манлайлагч гэсэн санаа бүхий утга муутай уриа үгээр чимдэг. Хэрэв та тэднээс сурталчилгааны чинь утга учир юу вэ? Хэмээн асуувал тэдний ихэнх нь бараагаа зарж борлуулах эсвэл нэрээ таниулах гэж хариулах болно. Энэ бол маш буруу хариулт.

Шууд хариу үйлдэл үзүүлэх маркетинг дээр сурталчилгааны зорилго нь таны хийж буй зүйлд сонирхол татагдсан хүмүүсийг олох байдаг. Харин сурталчилгааг үзэнгүүт танаас шууд худалдан авалт хийх хүмүүс гэхээсээ илүү сонирхол нь татагдсан сэжимүүд хариу үйлдэл хийхэд та тэдний бүртгэлийг авч эргэн холбогдох жагсаалтандаа оруулж тэдэнд ямар нэг үнэ цэнэ бий болгох, өөрийгөө тэдэнд эрхэмлүүлэх, итгэлд суурилсан харилцаа бий болгохоор ажиллаж эхлэх нь зөв юм.

Холбоотой мэдээ: ИНБАУНД МАРКЕТИНГИЙН СЭЖМИЙН АРЧИЛГАА ТҮҮНИЙГ ХЭРХЭН ХИЙХ ВЭ?

Үүнийг хийсний дараагаас борлуулалт жамаараа орж ирнэ. Энэ бол оюун санааны хувьд шилжилт хийгдэж байгаа үйл явц бөгөөд та энэ зарчмыг нарийн ойлгох нь чухал юм. Сурталчилгаанаасаа шууд зарахыг оролдохыг яагаад дэмжихгүй вэ? Зарим хүмүүс таны сурталчилгааг үзэнгүүтээ л шууд худалдан авахад бэлэн байж болох юм, гэхдээ дийлэнхи хүмүүс хичнээн сонирхсон ч гэсэн сурталчилгааг шууд үзээд л худалдан авахад бэлэн биш байдаг.

Тийм учир тэдгээр хүмүүсийг мэдээллийн бааздаа бүртгэхгүй бол тэднийг алдчихна. Тэд магадгүй сарын дараа, 6 сарын дараа, жилийн дараа ч худалдан авалтанд бэлэн болох боломжтой. Таны сурталчилгаа ганц удаагийн зорилготой л бол та энэ боломжийг зүгээр л алдана. Зургаан сарын өмнөх нэг удаагийн зорилготой сурталчилгааг санана гэдэг бол маш бага магадлалтай зүйл. Маркетинг хийнэ гэдэг бол үр суулгаж тариа тарихтай адил зүйл юм.

Та өндөр магадлалтай боломжит хэрэглэгчдэд зориулсан маркетингдаа илүү мөнгө зарах тусам тэднийг харилцагчаа болгож хувиргах магадлал нь ихэсдэг.

Цөөн тооны сум бүхий харваачтай адилаар таны маркетингийн ажилд хязгаарлагдмал төсөв мөнгө бий. Тиймээс үүнд ухаалгаар хөрөнгө оруулалт хийх нь чухал. Жишээ нь: 10.000 хүнд хүрэхээр зар сурталчилгааны маркетингийн ажил 10 сая төгрөгийн төсөвтэй бол та 1 хүнд 1000 төг зарцуулж байна гэсэн үг. Сурталчилгаа хүрсэн 10.000 хүнээс 1.000 нь таны бүтээгдэхүүний хувьд боломжит хэрэглэгч гэж төсөөлөе. Ингэж массын маркетинг ашигласнаараа та бүх хүнийг ижил тэгш авч үзээд өөрийн 9 сая төгрөгийг сонирхол нь үүсэхгүй хүмүүст дэмий зарцуулсан болж таарлаа. Хэрэв та бүх хүнийг ижил тэгш байдлаар авч үзсэний оронд, зөвхөн өндөр магадлалтай боломжит хэрэглэгчдэд төвлөрвөл, сонирхол байхгүй хүмүүст маркетингийнхаа үнэт цаг, мөнгийг дэмий үрэхгүй биш үү.

Ингэснээр та 10 сая төгрөгөө өндөр магадлалтай боломжит хэрэглэгчдэд бүрэн зарцуулах боломж бүрдэнэ. Нэг хүний 10.000 төгрөг зарцуулбал 1000 төгрөг зарцуулснаас мэдээж илүү сайн маркетинг хийж чадна. Зөв байруугаа 10 дахин их хүчээр галлавал илүү сайн борлуулалтад хувирсан үр дүнг гаргаж чадна.

Гэхдээ хэрхэн зорилтод хэрэглэгчээ ялгах тэднийг хэрхэн таних вэ? Үүнийг хийхийн тулд бүтээгдэхүүн үйлчилгээг сонирхож байгаа хүмүүсд хэрэгтэй байдаг зөвлөгөө мэдээлэл, цахим ном, темплэйт, checklist, танилцуулга гэх мэт зүйлсийг үнэгүй татаж авахаар байршуулан тэдний мэдээллийг авна. Жишээ нь: Хуримын гэрэл зураг авдаг студи бол хуримаа хийх гэж буй залуучуудад хуримын зурагчинд ямар шаардлага тавих талаар болон өөрийн бүтээлүүдээ багтаасан цахим номыг үнэгүй татаж авахаар байршуулах хэрэгтэй.

Хамгийн энгийн сэжим бий болгодог сурталчилгаа иймэрхүү байна. Энэхүү үнэгүй татаж авах цахим ном нь хуримынхаа зурагчинг сонгохдоо гаргадаг 7 түгээмэл алдаанаас хэрхэн сэргийлэх талаар хэлж өгнө. Энэхүү цахим номыг татаж авсан хүн бүр өөрсдийгөө өндөр магадлалтай боломжит хэрэглэгчид тооцуулна. Танд одоо зорилтод хэрэглэгчдийн чинь мэдээлэл байна. Үүнийгээ та маркетингийн мэдээллийн бааздаа оруулна. Зорилго бол сэжим үүсгэх гэдгийг санаарай. Зар сурталчилгаа хийнгүүтээ шууд зарах гэж бүү улайраарай. Эхлэлийн энэ үе шатанд бол та сонирхохгүй байгаа хэрэглэгчдийг биш, зөвхөн сонирхсон хүмүүсийг өндөр магадлалтай хэрэглэгчдийн мэдээллийн баазад бүртгэх юм. Сурталчилгаа хийнгүүтээ зарах гэж улайрахгүй байх нэгэн том шалтгаан бий. Дунджаар ямар ч цаг үед таны сурталчилгааг үзэнгүүтээ худалдан авалт хийхэд бэлэн бүлэг хүмүүс нийт зорилтод бүлгийн хүмүүсийн 3% эзэлдэг. Эдгээр хүмүүс бол масс маркетингийн хувьд том найдлага тавьдаг хэсэг. Мөн нэмээд зорилтод бүлгийн 7% нь худалдаж авахад нээлттэй хандлагатай байгаа, мөн зүгээр сонирхол нь төрсөн боловч одоо биш гэж бодсон хүмүүс 30% сонирхоогүй, мөн 30% нь таны бүтээгдэхүүнийг үнэгүй байсан ч авахыг сонирхохгүй хүмүүс бий.

Хэрэв та сурталчилгаанаасаа  шууд зарахаар оролдвол нийт зах зээлийн зөвхөн 3%-д чиглэж, бусад 97%-г алдлаа гэсэн үг. Сэжим үүсгэдэг сурталчилгааг бий болгосоноор та хандаж болох зах зээлээ 40% хүртэл ихэсгэж чадна. Энэ нь шууд худалдан авдаг 3%, нээлттэй байгаа 7%, сонирхосон боловч яг одоо биш гэж үзсэн 30% нийлээд ийм болж байгаа юм. Хандаж болох зах зээлээ 3%-аас 40% болгож өсгөснөөрөө та сурталчилгааныхаа үр ашгийг 1,233%-р ихэсгэж чадаж байна. Шууд худалдан авалт хийхэд бэлэн байгаа хэрэглэгчдэд нэгэн зүй тогтол ажиглагддаг. Тэд таныг бүтээгдэхүүн үйлчилгээгээ зарах гээд арга ядаад байна гэж хардаггүй, харин харилцаа тогтоох гэж оролдож байна гэж хардаг.

Ийм маркетинг бол тариа тарьж уургуулахтай адил юм. Та хэрэглэгчдийг боловсролтой болгож, тэдэнд зааж зөвлөснөөр та өөрийгөө эксперт буюу мэргэжилтэн болгон харагдуулж эрх мэдэлтэй байж чадна. Үлгэр жишээ кампанит ажил гэвэл үнэгүй татаж авах хэрэгслүүд болон видеогоор хэрэглэгчиддээ мэдэж байвал зүйтэй зүйлсээр нь боловсрол олгох явдал юм.

Зарим бизнесүүд байнгын шинэ сэжим үүсгэж, араас нь холбогдож, тэднийг бойжуулж, эцэст нь борлуултанд хувиргаж өөрийн фэнүүд болгодог Харилцагчын менежментийн систем буюу CRM-г нэвтрүүлсэн байдаг. Нөгөө бизнесүүд нь тохиолдлын маркетингийн үйлдэл хийдэг. Тэд энд ч тэнд ч замбараагүй сурталчилгаа цацдаг. CRM систем нь ямар нэг хүйтэн сэжимийг нэг үзүүрээр нь оруулаад нөгөө үзүүрээс нь эванжилист буюу танай бүтээгдэхүүн үйлчилгээг бусдад сурталчилж явдаг фэнийг гаргаж ирдэг систем юм. Иймэрхүү тохиолдлын чанартай, нэг удаагийн үйлдэлт маркетинг бол авчрахаасаа илүү алдагдалтай болж төгсдөг. Маркетингийн дэд бүтцийн хамгийн гол цөмд нь таны хэрэглэгч ба боломжит хэрэглэгчдийн мэдээллийн бааз байдаг ба үүнийгээ үр ашигтай ашиглахын тулд танд Хэрэглэгчтэй харилцах менежментийн систем шаардлагатай. CRM бол таны маркетингийн мэдрэлийн төв юм.

Танайд тулгамдаж байгаа маркетингийн асуудлууд байна уу? Та яг одоо 7211-9211 дугаарт залгаж бидэнтэй холбогдоод уулзалт товлож, үнэ төлбөргүй зөвлөгөө мэдээлэл аваарай.